Mtaalamu wa UM asikitishwa na Marekani iliyomzuia kumuona askari gerezani

12 Aprili 2011

Mtaalamu wa kujitegemea anayefanya kazi na umoja wa mataifa katika masuala ya mateso Juan Mendez amesema kuwa amesikitishwa na kuvunjwa moyo baada ya kushindwa kuonana na askari mmoja anashikiliwa na serikali ya Marekani.

Askari huyo Bradley Manning alikamatwa May mwaka jana nchini Iraq akituhumiwa kuwa alisaidia kutoa taarifa nyeti kwa mtandao wa WikiLeaks.

Mtaalamu huyo wa masuala ya mateso ameeleza kuwa licha ya jitihada zake kuomba ruksa ya kwenda kuonana na askari huyo katika mazingira huru na binafsi lakini serikali ya Marekani imeendelea kutia ngumu.

Amesema kuwa anatiwa wasiwasi na afya ya askari huyo ambaye amezuiliwa kwenye gereza la kijeshi huko Virginia.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter