Wahamiaji zaidi wawasili Lampedusa Italia:IOM

21 Machi 2011

Kuwasili kwa wahamiaji zaidi ya 1630 kwenye kisiwa cha Lampedusa Italia jana Jumapili na usiku wa kuamkia leo kumesababisha mrundikano mkubwa kwenye kituo cha wahamiaji ambapo IOM na washirika wake wanatoa msaada wa mapokesi na ushauri wa kisheria kwa wahamiaji, waomba hifadhi na watoto wasioambatana na mtu yeyote.

Kwa mujibu wa IOM idadi ya wahamiaji katika kituo imefikia 4780 wakati kituo hicho kina uwezo wa kupokea watu 800 tuu jambo lililosababisha mrundikano mkubwa.

IOM inasema wengi hawana huduma za usafi kama vyoo, na wamekuwa wakilala maeneo ya wazi, 200 kati ya wahamiaji hao ni watoto ambapo IOM, UNHCR na shirika la Save the Children wamejitahidi kuwapatia malazi.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter