Mwendesha mashitaka wa ICC aeleza mipango ya uchunguzi atakaoufanya Kenya

1 Aprili 2010

Mwendesha mashitaka katika mahakama ya kimataifa ya uhalifu ICC iliyoko The Hague Uholanzi, Luis Moreno-Ocampo ameainisha jinsi atakavyoendesha uchunguzi wa uhalifu unaodaiwa kufanyika Kenya baada ya utata wa matokeo ya uchaguzi wa Rais mwaka 2007.

Bwana Ocampo amefanya mkutano na waandishi wa habari na amesema kuna orodha ya washukiwa 20. Ameongeza kila mtu mmoja kati ya watatu ana kesi mbili na watazingatia wale waliohusika hasa kwa mujibu wa ushahidi walioupata na watakaoukusanya kwa njia ya haki.

Amesema leongo lao ni kumaliza uchunguzi mwaka huu wa 2010 na kuwasilisha kesi yao mbele ya majaji ambao wataamua endapo watu hao wana hatia ama la. Huu ni mchakato wa kisheria amesema Ocampo.

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter