Ofisa wa UNICEF anasema watoto wamedhurika zaidi na athari za mgogoro sugu wa JAK

21 Oktoba 2009

Hilde Johnson, Naibu Mkurugenzi Mkuu wa Shirika la UM juu ya Mfuko wa Maendeleo kwa Watoto (UNICEF), baada ya kuzuru Jamhuri ya Afrika ya Kati (JAK) ameeleza kwamba matatizo yaliolizonga taifa hilo huathiri pakubwa watoto wadogo, na hali hiihuenda ikaharibika zaidi pindi wahisani wa kimataifa watashindwa kuharakisha misaada inayohitajika kidharura kuhudumia kihali watoto hawa.

Matatizo yanayokabili JAK sasa hivi yanachochewa zaidi na usalama ulioregarega katika nchi, ikichanganyika na mporomoko wa bajeti la taifa, pamoja na upungufu wa misaada ya kutoka wahisani wa kimataifa. Kwa mujibu wa ripoti za UM, jumla ya watu wanaoathirika kidhahiri kimaisha, na kuathirika kusio dhahiri, kutokana na mgogoro ulioselelea katika JAK, inakadiriwa milioni moja ziada, kati ya idadi ya watu milioni 4 wanaoishi nchini humo.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud