FAO itafadhiliwa dola milioni 2.5 na Saudi Arabia kutayarisha mkutano wa kukomesha njaa

30 Julai 2009

UM umetangaza ya kuwa Saudi Arabia itafadhilia msaada wa dola milioni 2.5 kwa Shirika la UM juu ya Chakula na Kilimo (FAO) ili kuiwezesha taasisi hii kufanyisha Mkutano Mkuu juu ya Udhibiti Bora wa Akiba ya Chakula Duniani, utakaojumuisha wajumbe kadha wa kadha wa kutoka Mataifa Wanachama kwenye Makao Makuu ya FAO mjini Roma, Utaliana kuanzia tarehe 16 hadi 18 Novemba mwaka huu.

Lengo la kikao kijacho cha FAO ni kuhamasisha Mataifa kuchangisha misaada rasmi ya mendeleo ya kilimo, itakayolingana na kima cha misaada iliyofadhiliwa katika 1980, ambapo asilimia 17 ya misaada hiyo iliekezwa kwenye huduma za kilimo. Kadhia hii ikitekelezwa, ilieleza FAO, itasaidia zile juhudi za kukomesha matatizo ya njaa sugu, ambayo sasa hivi husumbua hali za watu bilioni moja katika ulimwengu. Kadhalika mchango huo rasmi ukikamilishwa unatarajiwa kuongeza maradufu uzalishaji wa kilimo na, hatimaye, kuwawezesha walimwengu kuhudumia chakula umma unaokadiriwa kufikia watu bilioni 9 katika 2050.

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter