Baada ya vuta ni kuvute ya wiki mbili muafaka wafikiwa COP24

Baada ya wiki mbili za majadiliano ya makundi zaidi ya 200 yaliyokusanyika Katowice, Poland kwa ajili mkutano wa Umoja wa Mataifa wa mabadiliko ya tabianchi , COP24 ,yameidhinisha muongozo wa utekelezaji wa mkataba wa Paris wa mwaka 2015, wenye lengo la kupunguza ongezeko ka joto duniani kuwa nchini ya nyuzi joto 2 ikilinganishwa na viwango vya kabla ya wakati wa viwanda.

  Taarifa kutoka Katowice, Poland, iliyotolewaleo, inasema kuwa mkataba umeridhiwa baada ya majadiliano ya usiku kucha na hatimae kukasikika shangwe na vigegele kumkaribisha rais wa mkutano wa COP24, Michal Kutyka, akifungua kikao cha mwisho ambacho kilihirishwa mara kadhaa.

Rais huyo katika hotuba yake amewashukuru wajumbe waliokuwa wanamsikiliza katika chumba cha mikutano kwa kile alichokiita, “ ustahamilivu” akiweka bayanakuwa  usiku uliopita ulikuwa , “mrefu sana”. 

 Ukumbi ulijawa na kicheko  baada ya televisheni kuba iliyokuwa chumbani kuonyesha mjumbe mmoja akipiga mwayo.

Katibu Mkuu wa Umoja wa Mataifa, Antonio Guterres, katika hotuba yake iliyosomwa kwa niaba yake  na  mkuu wa ofisi ya Umoja wa Mataifa ya mabadiliko ya tabianchi, Patricia Espinosa, amesema kuwa , Katowice imeonyesha kuwa  kwa mara nyingine tena mnepo wa mkataba wa Paris ambao ni ramani ya hatua dhidi ya mabadiliko ya tabianchi.

Bw. Guterres ambaye amegusia suala la athari za mabadiliko ya tabianchi kama moja ya mkakati wake muhula huu kama Katibu Mkuu wa Umoja wa Mataifa. Alihudhuria mkutano wa Katowice mara tatu katika kipindi cha wiki tatu zilizopita  ili kuunga mkono  majadiliano hayo, lakini kutokana na kuahirishwa kwa mara kadhaa  alilazimika kuondoka kabla ya kikao cha mwisho kutokana na shughuli zingine zilizomsubiri mahala pengine.

UN News/Yasmina Guerda

Mjumbe katika mkutano wa tabianchi COP24 Katowice, Poland akila tunda la Tufaha.

 

Muongozo ulioidhinishwa leo ambao baadhi wanauita , kitabu cha sheria,una nia ya kuhimiza  hatua madhubuti dhidi ya mabadiliko ya tabianchi na kuwanufaisha watu wa tabaka zote hususan wale walioko hatarini.

Ufadhili wa mpango tekelezi dhidi ya tabianchi.

Moja wa kipengele cha, “azimio la Katowice’ ni mpango wa wazi ambao una nia ya kuleta kuaminiana kati ya mataifa  kuhusu  uhakika kuwa  mataifa yote yanajihusisha katika kushughulikia mabadiliko ya tabianchi. Unatoa muongozo wa jinsi ambavyo kila nchi itakavyotoa taarifa za mpango wa kitaifa  wa kupunguza  hewa chafuzi.

Pia makubaliano yamefikiwa ya jinsi ya kuangalia uwiano katika kipimo cha utoaji wa hewa chafuzi  na endapo mataifa maskini yanahisi hayawezi kufikia  viwango hivyo yafafanue ni kwa nini na ziainishe mpango wa kujenga uwezo wa kushughulikia hali hiyo.
 
Kuhusu ufadhili  kutoka mataifa yaliyoendelea kusaidia yale ambayo bado ndio yananukia  kuunga mkono hatua kuhusu tabianchi, mkakati unatoa mwanya wa  lengo jipya  kuanzia mwaka 2025 na kuendelea kutoka  kukusanya dola bilioni 100 kwa mwaka lengo la sasa hadi 2020. 

 Hata hivyo kuna baadhi ya ibara ambazo wajumbe walitofautiana.
Mfano ibara ya sita inayohusu mfumo wa masoko ambao unazikubalia nchi kutimiza sehemu ya malengo yake ya ndani. Hii inafanyika kupitia uuzaji wa hewa ya ukaa  ambapo mataifa yanakubaliwa kuuza sehemu yake ya utoaji wa hewa chafuzi.

Mkataba wa Paris unatambua umuhimu wa suala hilo wa kulinda hadhi za juhdi za mataifa mengi kutimiza sheria za kimataifa  zinazotaka kuhakikisha kuwa kila tani ya hewa chafuzi inayotolewa inawajibishwa.

Hivyo ibara hiyo imebaki na imepangwa kujadiliwa katika mkutano uajo wa COP25 utakaofanyika nchini Chile.

Tafadhali iwapo unataka kupokea taarifa kutoka UN News Kiswahili kila wakati zinapochapishwa, tafadhali jisajili na pia unaweza kupakua apu ili kuweza kusikiliza wakati wowote popote ulipo.