UN yakaribisha tangazo la wataliban Afghanistan
Katibu Mkuu wa Umoja wa Mataifa, UN Antonio Guterres amekaribisha tangazo la wataliban la kusitisha kwa muda hujuma dhidi ya serikali ya Afghanistan kwa kipindi cha siku tatu za sherehe za Eid El Fitri.
Tangazo hilo la Taliban nalo linatokana na lile la serikali ya Afghanistani kuwa inaanza sitisho la mapigano la siku saba kuelekea sikukuu hiyo.
Katibu Mkuu amesema anaamini kuwa hakuna suluhisho la kijeshi kwenye mzozo huo na kwamba suluhu ya kisiasa ndio inayoweza kumaliza machungu ya raia wa Afghanistan.
Halikadhalika amesihi pande zote husika nchini humo zitumie fursa hii na kusongesha mchakato unaoongozwa na raia wa Afghanistan wenyewe wa amani.
Amesema Umoja wa Mataifa kwa upande wake umeazimia kusaidia raia wan chi hiyo na serikali yao kwenye ari hiyo.
TAGS: Afghanistan, Eid El Fitr.
________________________________________