Taliban watumia gari la wagonjwa kushambulia Kabul

27 Januari 2018

Katibu Mkuu wa Umoja wa Mataifa Antonio Guterres amelaani vikali shambulio lililofanyika leo kwenye mji mkuu wa Afghanistan, Kabul ambako washambuliaji walitumia gari linalofanana na gari la wagonjwa kutekeleza shambulio hilo.

Katibu Mkuu wa Umoja wa Mataifa Antonio Guterres amelaani vikali shambulio lililofanyika leo kwenye mji mkuu wa Afghanistan, Kabul ambako washambuliaji walitumia gari linalofanana na gari la wagonjwa kutekeleza shambulio hilo.

Vyombo vya habari vinaeleza kuwa watu wapatao 95 wameuawa na wengine wengi wamejeruhiwa katika shambulio hilo ambalo kikundi cha Taliban kimekiri kuhusika nalo.

Ujumbe wa Umoja wa Mataifa nchini Afghanistan, UNAMA umesema gari hilo pamoja na kufanana na la wagonjwa lilikuwa limewasha king’ora na kulipuka kwenye eneo lenye watu wengi mjini Kabul.

Bwana Guterres kupitia msemaji wake amesema mashambulizi holela dhidi ya raia ni kinyume che sheria za kimataifa na hivyo ametaka wahusika wafikishwe mbele ya sheria.

Ametuma salamu za rambira kwa serikali na wananchi wa Afghanistan huku akiwatakia ahueni ya haraka majeruhi.

Katibu Mkuu amesema Umoja wa Mataifa unashikamana na serikali ya Afghanistan na wananchi wake.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud