Kimbunga Mora chasambaratisha kambi za wakimbizi wa Rohingya

31 Mei 2017

Kimbunga Mora kilichokuja na upepo mkali wa kilometa 117 kwa saa, kimepiga Kusini-Mashariki mwa Bangladesh Jumanne, na kuathiri mamia ya maelfu ya wakimbizi wa Rohingya katika kambi za Kutupalong na Nayapara, limesema Shirika la Umoja wa Mataifa la Kuhudumia Wakimbizi, UNHCR.

Limesema kimbunga Mora kimeharibu maelfu ya nyumba za wakazi wa eneo hilo, na hivi sasa wakimbizi zaidi ya 20 waliojeruhiwa katika kambi hizo wamepata matibabu, na wameweza kuepukana na maafa makubwa zaidi kutokana na ushirikiano wake na serikali za mitaa katika kuwandaa wakimbizi mapema na kimbunga hicho.

Kabla ya Mora, UNHCR iliweka wafanyakazi wake tayari kutoa usaidizi, kuandaa na kuwahamishia watu kwenye maeneo thabiti zaidi, pamoja na kutoa huduma kwa wagonjwa na wajawazito, lakini ukosefu wa umeme umesalia changamoto kwa wakimbizi kupata maji safi na maeneo ya kujisafi.

UNHCR wa kushirikiana na wadau wengine wa Umoja wa Mataifa wanatoa usaidizi wa haraka kwa waathirika, pamoja na kufanya tathmini ya hali halisi ya mahitaji na uharibifu.

 

Shiriki kwenye Dodoso UN News 2021:  Bofya hapa Utatumia dakika 4 tu kukamilisha dodoso hili.

♦ Na iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter