Neno la wiki- Yamkini/ Yakini

Katika neno la wiki Februari 3 tunachambua maneno yamkini na yakini, mchambuzi wetu leo ni, Nuhu Zuberi Bakari ambaye ni Naibu Mwenyekiti wa masuala ya mawasiliano kwenye Chama cha  Kiswahili cha Taifa nchini Kenya, CHAKITA.

Bwana Bakari anasema kwamba neno yamkini maana yake kutokuwa na uhakika na jambo au kitu kufanyika, pengine, labda. Anaongeza kwamba asili ya neno hili ni kiarabu na kwa hiyo watu wa Pwani iwe Kenya au Tanzania wanatumia neno yumkini. Kinyume cha yamkini ni yakini, yakini ina maana ya uhakika.