Msaada wa dola zaidi ya milioni tatu na nusu kukarabati shule Haiti baada ya kimbunga Matthew

27 Disemba 2016

Umoja wa Mataifa umeipatia Haiti msaada wa dola zaidi ya Milioni tatu na nusu kwa ajili ya ukarabati wa shule ambazo ziliharibiwa na kimbunga Matthew.

Fedha hizo pia zinalenga kusaidia watu wapatao Elfu 30 ambao wanarejea kwenye maeneo yao kutoka kwenye shule hizo ambako walikimbilia kusaka hifadhi na huduma za msingi baada ya janga hilo.

Fedha hizo ni kupigia mfuko wa majanga wa Umoja wa Mataifa, CERF ambapo shirika la Umoja wa Mataifa la kuhudumia watoto, UNICEF litaongoza utekelezaji wa mradi wa elimu kwenye maeneo ya Les Cayes, Port Salut na Jeremie.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud