Usafi ni msingi katika kudhibiti mlipuko wa kipindupindu Dadaab: mtalaam wa UNHCR

4 Januari 2016

Nchini Kenya, zaidi ya watu 1,000 wameambukizwa ugonjwa wa kipindupindu kwenye kambi ya wakimbizi ya Dadaab, watu 10 wakiwa wamefariki dunia.

Kwa ushirikiano na Wizara ya Afya ya Kenya, Shirika la Umoja wa Mataifa la Kuhudumia Wakimbizi UNHCR linajitahidi kuimarisha kiwango cha usafi na kuelimisha jamii kuhusu jinsi ya kujikinga na ugonjwa huo.

Katika mahojiano na Priscilla Lecomte wa idhaa hii, mtaalam wa UNHCR kuhusu maji safi na kujisafi Osman Yussuf Ahmed ameeleza kwamba kiwango cha upatikanaji wa maji kambini ni kizuri kikiwa ni lita 24 kwa mtu kila siku, na huduma za vyoo zikipatikana kwa asilimia 56 ya familia zilizoko kambini.

Hata hivyo, amesema kwamba UNHCR inahaha kuhakikisha kiwango cha usafi kinaimarishwa na vyanzo vya maambukizi vinadhibitiwa.

Hapa ameanza kwa kufafanua idadi ya wagonjwa wa kipindupindu.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud