Baraza la Usalama lasikitishwa na mzozo wa Gaza

12 Julai 2014

Baraza la Usalama la Umoja wa Mataifa, leo limeelezea kutiwa wasiwasi na tatizo la mzozo wa Gaza na ulinzi wa maisha na maslahi ya raia wa pande zote.

Wanachama wa Baraza hilo wametoa wito wa kutaka hali hiyo itulizwe na kuhshimu tena makubaliano ya kusitisha mapigano ya Novemba 2012.

Wametoa wito pia sheria ya kimataifa ya kibinadamu iheshimiwe, ukiwemo ulinzi wa raia..

Wanachama hao wa Baraza la Usalama pia wameelezea uungaji wao mkono wa kuanza tena mazungumzo ya moja kwa moja baina ya Waisraeli na Wapalestina, kwa lengo la kufikia mkataba wa kina wa amani wenye msingi wa suluhu la mataifa mawili.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter