Maelfu wakimbia mapigano kati ya Sudan na Sudan Kusini

24 Aprili 2012

Shirika la kuwahudumia wakimbizi la Umoja wa Mataifa UNHCR linasema kuwa karibu watu 35,000 wamelazimika kuhama makwao kufuatia mapigano kati ya Sudan na Sudan Kusini. Waliohama wanatoka kwenye maeneo yanayolizunguka maeneo yenye utajiri wa mafuta linalozozaniwa la Heglig, Talodi na sehemu za Kordofan Kusini.

UNHCR inaelezea wasi wasi wake kuhusiana na hatma ya karibu wakimbizi 20,000 walio kwenye kambi karibu na mpaka ambapo limewashauri kuhamia maeneo salama. Adrian Edwards kutoka UNHCR anasema kuwa wakimbizi 2000 tayari wamehamishwa.

(SAUTI YA ADRIAN EDWARDS)

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud