Amani itapatikana Afghanistan ikiwa itaongozwa na Wafghanistan wenyewe:UM

26 Januari 2012

Mjumbe mpya wa Umoja wa Mataifa nchini Afghanistan Ján Kubiš, amesema kuwa mpango wa amani nchini Afghanistan unaweza kufanikiwa iwapo tu utaongozwa na Waafghanistan wenyewe.

Mjumbe huyo aliyewasili mjini Kabul juma lililopita ili kuchukua wadhifa wake kama mjumbe maaalum wa Katibu Mkuu wa Umoja wa Mataifa nchini Afghanistan na mkuu wa ujumbe wa Umoja wa Mataifa nchini humo UNAMA amesema kuwa watu wa Afghanistan wamechoshwa na vita na wanataka kusonga mbele.

Kubis amesema lengo lake kuu ni kuambatanisha usalama na amani na kusaidia kwenye mapatano yanayoongozwa na waafghanistan wenyewe.

 

♦ Kutembelea ukurasa maalum wa COP26 bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter