Wataalamu wa UM kuchunguza ukiukaji wa haki Tuniasia

26 Januari 2011

Timu ya wataalamu wa Umoja wa Mataifa inaanza uchunguzi wa ukiukaji wa haki za binadamu nchini Tunisia.

Ghasia za kupinga serikali ya Tunisia zinaendelea wakati nchi hiyo ikikabiliwa na sintofahamu ya hatma yake.  Kamishina mkuu wa haki za binadamu wa Umoja wa Mataifa Navi Pillay amesema kwamba ukiukaji wa haki za binadamu ndio kitovu cha matatizo yanayowakabili watu wa Tunisia hii leo.

Timu hiyo ya wataalamu itakutana na uongozi wa mpito, makundi ya jumuiya za kijamii, mashirika ya Umoja wa Mataifa na wadau wengine muhimu katika taifa hilo la Afrika Kaskazini.

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud