Kampeni kubwa ya chanjo yaanza dhidi ya kipindupindu yaanza Kivu Kaskazini, DRC.

UNICEF/ Nangyo

Mama na mwana wapewa chanjo. Chanjo nyingi hutokea baada ya milipuko ya magonjwa kama vile Polio, Kipindupindu na magonjwa mengine.

Kampeni kubwa ya chanjo yaanza dhidi ya kipindupindu yaanza Kivu Kaskazini, DRC.

27 Mei 2019 Afya

Taarifa iliyotolewa na WHO hii leo mjini Geneva Uswisi na Goma Jamhuri ya Kidemokrasia ya Kongo, DRC, inasema zaidi ya watu 800,000 watachanjwa dhidi ya ugonjwa wa kipindupindu huko Kivu Kaskazini, mashariki mwa DRC kufuatia uzinduzi wa kampeni kubwa ya chanjo uliofanyika leo.

Kampeni hiyo itatekelezwa na Wizara ya afya ya DRC kwa usaidizi wa WHO na washirika wake, chini ya udhamini wa muungano wa kimataifa wa chanjo, Gavi. Jumla ya watu 835,183 katika maeneo ya Binza, Goma, Kayina, Karisimibi, Kibirizi, Kirotshe na Rutshuru watachanjwa kufikia tarehe mosi ya mwezi Juni mwaka huu wa 2019.

Taarifa ya WHO inasema kuwa kampeni hii itatoa dozi ya kwanza ya chanjo kwa njia ya matone (OVC) kwa watu wa maeneo hayo kisha baadaye watarudi kutoa chanjo tena kwa njia hiyo ili kuimarisha kinga dhidi ya ugonjwa huo wa kipindupindu.

Zaidi visa 10,000 vya kipindupindu vimeripotiwa nchini humo tangu Januari mwaka huu 2019 na kusababisha zaidi ya vifo 240. Aidha visa vingine 80,000 vinavyosadikika kuwa vya surau vimesababisha zaidi ya vifo 1,400 hadi sasa katika mwaka huu.

Mkurugenzi Mkuu wa Gavi, Dkt Seth Berkley, anasema, “DRC inakabiliana na mkusanyiko wa majanga mengi. Wakati mlipuko wa Ebola unaendelea kusababisha madhara huko mashariki, surau na kipindupindu vinachukua maisha ya maelfu kote nchini. Ndiyo maana tunaingilia kati kupitia kampeni hii ya kipindupindu, kampeni ya surua inayoendelea na pia usaidizi wetu katika chanjo ya Ebola kote katika DRC nan chi za jirani. Hatuwezi kuruhusu mateso yasiyo ya msingi kuendelea.”

Naye Dkt Deo Nshimirimana wa WHO anasema, “kipindupindu kinazuilika. Kuwachanja watu wa Kivu Kaskazini ambao wako hatarini ni mchango mkubwa na utawalinda maelfu ya watu dhidi ya ugonjwa na pia kuongeza kiwango cha kinga katika maeneo hayo.”

Pia zaidi ya watu milioni mbili tayari wamechanjwa nchinoi DRC katika maeneo 72 nchini humo ikiwa ni sehemu ya mapambano dhidi ya mlipuko wa surua. Watu wengine 400, 000 wanategemewa kuchanjwa. Baadaye mwaka huu Gavi inategemea kufadhili kampeni itakayowafaidisha watoto milioni 18 wa umri wa kuanzia miezi 6 hadi miezi 59 nchini DRC.

♦ Kurambaza ukurasa mahsusi wa Siku ya Kiswahili Duniani bofya hapa.

♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili hapa.

♦ Pia unaweza kupakua apu ili kusikiliza matangazo yetu wakati wowote popote ulipo.

♦ Tembelea pia chaneli yetu ya Youtube na pia Soundcloud na Twitter

News Tracker: Past Stories on This Issue

Uganda yazindua kampeni ya chanjo dhidi ya kipindupindu-WHO

7 Septemba 2018

Afya

Kila mwaka nchini Uganda hutokea wastan wa visa1,850 vya kipindupindu na takriban vifo 45. Hii ni kwa mujibu wa waziri wa Afya wa Uganda Dkt Jane Ruth Acieng alipozungumza wakati wa uzinduzi wa kampeni hiyo.

Visa vingi hutokea sehemu za Mashariki, Kaskazini na Kaskazini Magharibi mwa Uganda. Zoezi hili linadhaminiwa na shirika la kimataifa la muungano wa chanjo ,GAVI na dawa inayotumika ya matone ndio inatumika kwa mara ya kwanza nchini Uganda.

Siraj Kalyango wa Idhaa hii amezungumza na waziri wa afya anehusika na shughuli za jumla , Dkt Sarah Opendi, kuhusu chanjo hii.

GAVI inasema chanjo kinga yafaidisha afya na maendeleo kwa nchi masikini

20 Juni 2008

Jumuiya ya Kimataifa juu ya Huduma za Chanjo Kinga dhidi ya Maradhi (GAVI) imeelezea kwenye ripoti yake ya mwaka juhudi za kimataifa za kuendeleza huduma za tiba ya chanjo kinga dhidi ya maradhi ya kuambukiza kwa watoto wachanga na zile huduma za kuimarisha afya ya jamii katika nchi masikini zimeonyesha mafanikio yaliopiga hatua ya kutia moyo katika kipindi cha karibuni. Jumuiya hii ya GAVI ni ya ushirikiano kati ya makampuni ya binafsi na taasisi za umma, ikijumuisha pia Shirika la Afya Duniani (WHO) na LILE lile linalohusika na maendeleo ya watoto, UNICEF.