Mkuu wa UNESCO alaani vikali mauaji ya mwandishi Colombia

5 Machi 2014

Mkurugenzi Mkuu wa UNESCO Irina Bokova, amelaani vikali tukio la kuuwawa kwa mwandishi wa habari Yonni Steven Caicedo  nchini Colombia aliyepigwa risasi na watu wasiojulikana hapo February 19.

Mwandishi huyo ambaye amekuwa akifanya kazi na kituo kimoja cha televisheni kama mpiga picha amekuwa akiishi maisha ya kujificha ficha kwa kipindi kirefu kufuatia vitisho alivyokuwa akivipata kuhusu usalama wa maisha yake.

Akielezea tukio hilo, Bokova ametaka wahusika wake kusaka ili kufikishwa kwenye mkono wa sheria. Amesema matukio ya namna hiyo hayawezi kuvumilika kwani yana binya uhuru wa waandishi wa habari.

 

♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter