WHO yaripoti mkurupuko wa Kipindupindu na Surua nchini DRC

12 Julai 2011

Shirika la afya duniani WHO limeripoti mkurukupo wa ugonjwa wa surua na kipindupindu kwenye Jamhuri ya Kidemokrasia ya Congo ambapo zaidi ya watu 2,500 wameaga dunia.WHO inasema kuwa jitihada za kukabiliana na magonjwa hayo kwa njia ya chanjo na usambazaji wa bidhaa za usafi zimetatizwa na ukosefu wa fedha.

Ugonjwa wa surua unaripotiwa kusambaa kwenye mikoa saba mashariki mwa DRC huku ule wa kipundupindu ukiripotiwa kwenye mkoa wa Kisangani ambapo umesambaa hadi mjini Kinshasa ukipitia mto Congo. Tarik Jasarevic kutoka WHO anasema kuwa kwa sasa dola milioni 9 zinahitajika kugharamia kampeni za chanjo ili kuweza kukabilina na ugonjwa wa Surua.

(SAUTI YA TARIK JASAREVIC)

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter