ICC kumtia mbaroni kiongozi wa FRPI, mtuhumiwa wa jinai ya vita DRC

19 Oktoba 2007

Mahakama ya Kimataifa ya Jinai ya Halaiki (ICC) imetangaza kumshika na kumweka kizuizini kwenye mji wa Hague, Uholanzi, Germain Katanga, aliyekuwa Kamanda wa kundi la wanamgambo wa FRPI (Force de Resistance Patriotique en Ituri) katika Jamhuri ya Kidemokrasi ya Kongo. Katanga, mwenye umri wa miaka 29, ametuhumiwa kushiriki kwenye jinai ya vita na makosa yaliotengua haki za kiutu.

Katanga ametuhumiwa makosa ya jinai ya vita na kushiriki kwenye uhalifu dhidi ya utu pale katika Februari 2003 wafuasi wake walipowachinja watu karibu 200 katika kijiji cha Bogoro, na pia kuwafanya wanawake mateka kuwa kama watumwa wao wa uzinzi.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter