Wataalamu wa UM wataka uchunguzi kuhusu uvunjaji wa haki za binadamu Korea Kaskazini

28 Februari 2013

Kundi la wataalamu huru wa Umoja wa Mataifa kuhusu haki za binadamu limesema kuwa, kuna haja ya kutambua na kuweka msukumo juu ya utekelezwaji wa mapendekezo ya kuendesha uchunguzi, ili kubaini tuhuma za ukiukwaji wa haki za binadamu nchini Korea ya Kaskazini.

Kundi hilo limesisitiza haja ya kuendesha uchunguzi huo ili kubainisha ukweli wa mambo, hasa kutokana na madai ya kubinywa kwa wanasiasa na wengine wanaoendelea kutumikia vifungo vya kisiasa.

Korea Kaskazini inadaiwa kuanzisha makambi ambayo inahifadhi wafungwa wa kisiasa na baadhi ya familia za wafungwa hao ziko taabani.

Kundi hilo la wataalamu limezitolea mwito nchini wanachama wa Umoja wa Mataifa kuanzisha uchunguzi huru kuhusiana na tuhuma hizo, likisema kuwa, kuundwa kwa tume hiyo kutasaidia kufichua ukweli wa mambo

 

♦ Tafadhali iwapo unataka kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud