Idadi ya majongoo ya pwani imepungua ulimwenguni, yahadharisha FAO

1 Aprili 2009

Shirika la Chakula na Kilimo (FAO) limehadharisha kwenye ripoti ya kuwa akiba ya majongoo wa pwani, au madondo, inaelekea kupungua ulimwenguni kwa kima cha kushtusha, hasa katika maeneo ya Afrika na kwenye Bahari ya Hindi ambapo uvuvi wa majongoo hawa imekiuka ada.

Kadhalika katika sehemu za Pasifiki za bara la Asia, inasemekana majongoo hawa wameshamalizika au waliosalia ni kidogo sana. Majongoo wa pwani/madondo ni chakula cha jadi kwa wakazi wa bara la Asia, na hutumiwa kutengenezea supu, na kwenye vyakula vinavyokangwa na vinavyochemshwa. Mataifa ya Indonesia, Papua New Guinea na Philippines ndiyo yenye kusafirisha kwa wingi bidhaa ya madondo.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter