Umoja wa Mataifa kumkumbuka KM wa zamani Kurt Weldheim

15 Juni 2007

Alkhamisi, tarehe 14 Juni UM ulipokea taarifa ya kuhuzunisha kuhusu kifo cha aliyekuwa KM wa nne wa UM na pia Raisi wa zamani wa Austria, Kurt Waldheim. Risla ya KM wa sasa Ban Ki—moon juu ya msiba huo ilikumbusha ya kwamba Marehemu Waldheim alipata fursa ya kuutumikia UM kuanzia 1972 hadi 1981, katika kipindi ambacho, alitilia mkazo, ni muhimu sana katika historia ya taasisi hii ya kimataifa.

UM ulipandisha bendera ya UM pekee, nusu mlingoti, kwenye Makao Makuu kumkumbuka KM Waldheim wakati bendera nyenginezo za Mataifa Wanachama hazikupeperushwa mwisho wa wiki.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter