Mradi wazinduliwa kukabili itikadi kali na zenye ghasia
Amani na Usalama
Mashirika mawili ya Umoja wa Mataifa yamezindua mradi wa ubia wenye nia ya kukabiliana dhidi ya ugaidi ya ukereketwa wa kutumia mabavu.
Mradi huo unahusisha mbinu kadhaa ikiwemo kujengea uwezo vijana ili wajenge utamaduni wa amani usio na vurugu au ghasia.
Mkurugenzi mkuu wa shirika la elimu, sayansi na utamaduni la Umoja wa Mataifa, UNESCO, Audrey Azoulay pamoja na Mkuu wa ofisi ya Umoja wa Mataifa inayohusika na kukabiliana na ugaidi, Vladimir Voronkov wamezindua mradi kwa kuweka saini hati ya kuzindua mradi utakaowashirikisha pamoja kuweza kuuendeleza.
Mradi wenyewe utakuwa unaimarisha kazi ya Umoja wa Mataifa ya kukabiliana na ugaidi na misimamo mikali yenye kusababisha vurugu, kupitia ushirikishi wa pamoja na mashirika mbalimbali ya Umoja wa Mataifa kuweza kusaidia kutoa msaada mzuri kwa mataifa wanachama.
Mradi huo uliozinduliwa mjini Paris Ufaransa unalenga kukabiliana na ukereketwa pamoja na ugaidi miongoni mwa vijana katika nchi za Morocco, Libya, Tunisia na Jordan kwa kuwawezesha vijana kufanya mambo ya maana kuliko ukereketwa.
Kuanzisha utamaduni wa amani na maendeleo endelevu ndio kitovu cha kazi za UNESCO.
Msisitizo katika maendeleo endelevu kwa vijana ni mafunzo na utafiti, bila kusahau elimu kuhusu haki za binadamu, mbinu za uhusiano wa amani, utawala bora, kumbukumbu ya mauaji ya Holokosti, uzuiaji wa migogoro pamoja na ujenzi wa amani