Utekelezaji wa malengo ya maendeleo endelevu SDG’s unajadiliwa kwenye jukwaa la kisiasa la ngazi ya juu au HLPF hapa kwenye makao makuu ya Umoja wa Mataifa.  Mkutano huu wa kila mwaka umewaleta pamoja wadau mbalimbali wakiwemo wawakilishi wa serikali, asasi za kiraia na pia vijana ambao mchango wao umeelezwa na Umoja wa Mataifa kuwa ni muhimu katika kutimiza malengo hayo.