Kama ambavyo lengo namba 8 la maendeleo endelevu ya Umoja wa Mataifa, SDGs, linazungumzia kazi bora na ukuaji wa uchumi, Veronica Kyalo wa nchini Kenya, pamoja na kuwa miaka nane iliyopita tayari alikuwa na elimu ya juu baada ya kupata shahada ya chuo kikuu katika masuala ya uhasibu, hakupata kazi iliyo bora na hivyo hali yake kiuchumi haikuwa nzuri. Baada ya kufikia uamuzi wa kuanzisha biashara ya ufugaji kuku na uuzaji wa vifaranga, sasa maisha yanakwenda vizuri na amewaajiri watu wengine na hivyo kuchangia katika ustawi wa jamii yake. Mwandishi wetu wa Kenya Jason Nyakundi amemhoji mfugaji huyo.