Bi Joyce Ballo wa Ifakara Morogoro Tanzania, anasema uamuzi wa wakulima wa mbogamboga na miti katika eneo lake wa kutumia njia mbadala za kutunza mazingira kwa kuamua kutotumia dawa na mbolea zenye sumu, kumempa fursa ya kupata kipato na lishe kwa familia yake. 

Kupitia katika mahojiano haya yaiyofanywa na John Kabambala wa redio washirika KidsTime FM ya Morogoro, mkulima huyo anaeleza uhusiano wa utunzaji mazingira na chanzo chake cha sasa cha kipato, yaani ufugaji wa sungura ambapo anaweza kuingiza takribani dola 15 kwa wiki kutokana na shughuli hiyo.