صنفی مساوات کے لیے کام کرنے والے اقوام متحدہ کے ادارے 'یو این ویمن' کی سربراہ سیما باحوس نے عالمی برادری پر زور دیا ہے کہ وہ افغانستان میں تبدیلی کے لیے وہاں کے حکمرانوں پر دباؤ جاری رکھے۔
جاپان کی ایک یونیورسٹی طالبہ اور تحفیف اسلحہ کے لیے سرگرم انجو نیواتا ہیروشیما پر ایٹم بم گرائے جانے کے واقعہ میں بچ جانے والے متاثرین کی بلیک اینڈ وائٹ تصاویر کو مصنوعی ذہانت (اے آئی) کی مدد سے رنگین کرنے کے پراجیکٹ پر کام کر رہی ہیں۔
یمن کے مغربی ساحل کے قریب ایک متروک تیل بردار بحری جہاز سے ایک ملین بیرل خام تیل کی منتقلی کے لیے اقوام متحدہ کے زیرقیادت کارروائی جمعے کو محفوظ انداز میں مکمل ہو گئی ہے جس سے بڑے پیمانے پر تیل کے سمندر میں اخراج کا خطرہ ٹل گیا ہے۔
بحیرہ روم میں کشتی کے ایک اور جان لیوا حادثے میں درجنوں ہلاکتوں کے بعد اقوام متحدہ کے اداروں نے یورپی یونین سے مہاجرت اور پناہ کے محفوظ اور باقاعدہ راستوں تک رسائی بڑھانے کی اپیل کی ہے۔
بدھ کو دنیا بھر میں سودیشی لوگوں کا عالمی دن منایا جا رہا ہے جس کے موضوع "خود اختیاری کے لیے تبدیلی کے عاملین کی حیثیت سے سودیشی نوجوانوں کا کردار" کو اقوام متحدہ میں مرکزی اہمیت حاصل ہے۔
اقوام متحدہ کے ادارہ برائے انسانی حقوق (او ایچ سی ایچ آر) کے مطابق دنیا میں کم از کم پچیس کروڑ تیس لاکھ لوگوں کو شدید نوعیت کی ناانصافی کا سامنا ہے جبکہ ساڑھے چار ارب لوگوں کو انصاف تک رسائی حاصل نہیں ہے۔
تارکین وطن کی ریکارڈ تعداد لاطینی امریکہ کے ڈیریئن جنگل میں انتہائی پرخطر سفر کر رہی ہے جس میں نیپال اور افغانستان جیسے دور دراز ممالک کے لوگ بھی شامل ہیں۔ اس سے مہاجرت کے محفوظ اور باقاعدہ راستوں کی ہنگامی ضرورت واضح ہوتی ہے۔
اقوام متحدہ میں امدادی امور کے رابطہ دفتر (او سی ایچ اے) کے مطابق امسال پاکستان میں 25 جون سے 30 جولائی تک مون سون کی شدید بارشوں میں 179 افراد ہلاک اور 264 زخمی ہو گئے ہیں۔
عالمی صحت اور بچوں کی فلاح پر کام کرنے والے اقوام متحدہ کے اداروں نے منگل سے ورلڈ بریسٹ فیڈنگ ویک (ماں کا دودھ پلانے کا عالمی ہفتہ) کا آغاز کیا ہے جس میں روزگار کی تمام جگہوں و دفاتر کو اس قابل بنانے پر زور دیا جائے گا کہ خواتیں کارکنوں کو اپنے بچوں کو دودھ پلانے میں کوئی دقت نہ ہو۔
انسانی سمگلنگ کے خلاف تیس جولائی کو منائے جانے والے عالمی دن کے موقع پر اقوام متحدہ کے سربراہ انتونیو گوتیرش نے اپنے پیغام میں کہا ہے کہ سب مل کر ایسی دنیا تعمیر کریں جہاں کسی کو خریدا یا بیچا نہ جا سکے اور نہ ہی کسی کو استحصال کا سامنا ہو۔
