غذائی کمی پاکستان میں صحت عامہ کا سنگین مسئلہ ہے جس پر قابو پانے کے لیے اقوام متحدہ کے اداروں کی مدد سے چلائے جانے والے 'بے نظیر نشوونما پروگرام' کے ذریعے نمایاں کامیابیاں حاصل کی جا رہی ہیں۔
عالمی ادارہ صحت (ڈبلیو ایچ او) پاکستان میں طبی عملے کے ایک لاکھ 40 ہزار سے زیادہ کارکنوں کو حفاظتی ٹیکے لگانے کی تربیت دے رہا ہے۔ اس اقدام کے ذریعے 6 تا 59 ماہ عمر کے 3 کروڑ 54 لاکھ بچوں کو خسرہ اور روبیلا سے تحفظ ملے گا۔
اقوام متحدہ کے ادارہ برائے انسداد منشیات و جرائم (یو این او ڈی سی) نے بتایا ہے کہ افغانستان میں رواں سال پوست کی کاشت میں 2024 کے مقابلے میں 20 فیصد کمی واقع ہوئی ہے اور خطے میں افیون کی پیداوار اور سمگلنگ میں بڑے پیمانے پر تبدیلیاں رونما ہو رہی ہیں۔
اقوام متحدہ کی امدادی ٹیمیں شمالی افغانستان میں 6.3 شدت کے تازہ ترین زلزلے سے متاثرہ لوگوں کو مدد پہنچا رہی ہیں۔ اطلاعات کے مطابق اس زلزلے کے نتیجے میں 20 افراد ہلاک اور سیکڑوں زخمی ہوئے ہیں۔
افغانستان میں صنفی مساوات کو دور حاضر کے شدید ترین اور منظم حملوں کا سامنا ہے۔ ملک میں جبر کے نظام کو ختم کرنے اور انسانی حقوق کے بحرانوں پر قابو پانے کے لیے عالمی برادری کی فوری، اصولی اور مستقل توجہ ضروری ہے۔
پاکستان کے شہر لاہور سے لے کر نیپال کے دارالحکومت کٹھمنڈو تک جنوبی ایشیا میں پلاسٹک کی آلودگی سے نمٹنے اور کچرے کو مواقع میں بدلنے کا ایک غیرمعمولی اقدام بہت سے لوگوں کی زندگی میں تبدیلی اور بہتری لا رہا ہے۔
اقوام متحدہ کے ہائی کمشنر برائے انسانی حقوق وولکر ترک نے آسیان ممالک کی جانب سے صحت مند ماحول کے حق پر علاقائی اعلامیہ منظور کیے جانے کا خیر مقدم کرتے ہوئے اسے تاریخی پیش رفت قرار دیا ہے۔
پاکستان جیسے ترقی پذیر ممالک میں لوگ اب بھی ذہنی مسائل پر کھل کر بات کرنے سے گھبراتے ہیں۔ اس صورتحال میں تبدیلی لانے اور ذہنی صحت سے جڑے معاشرتی تعصبات کا خاتمہ کرنے کے لیے عوام میں ایسے مسائل کے بارے میں آگاہی پھیلانا بہت ضروری ہے۔
اقوام متحدہ کے دفتر برائے انسانی حقوق (او ایچ سی ایچ آر) نے کہا ہے کہ افغانستان میں گزشتہ ماہ طالبان حکام کی جانب سے عائد کی گئی مواصلاتی پابندیوں کے سنگین اور وسیع اثرات مرتب ہوئے ہیں جس سے عام لوگوں بالخصوص خواتین کی مشکلات میں مزید اضافہ ہو گیا ہے۔
پاکستان میں اقوام متحدہ کے ادارہ انسداد منشیات وجرائم (یو این او ڈی سی) منظم جرائم کے خلاف ملک کی پہلی قومی حکمت عملی کی تیاری میں مدد دے رہا ہے جس سے منشیات اور انسانی سمگلنگ، سائبر جرائم اور سرحد پار غیر قانونی سرگرمیوں جیسے سنگین جرائم سے موثر طور پر نمٹنے میں مدد ملے گی۔
