اقوام متحدہ کے سیکرٹری جنرل نے عدم استحکام کا شکار دنیا میں امن و سلامتی کو فروغ دینے کے لیے مزید مضبوط کثیرفریقی فریم ورک سے متعلق اپنے تصور پر مبنی ایک نیا پالیسی بریف پیش کیا ہے۔
عالمی ادارہ برائے خوراک کے مطابق بنگلہ دیش کے جنوب میں واقع کیمپوں میں رہنے والے روہنگیا پناہ گزینوں کی ضروری امداد کے لیے اِس وقت فراہم کردہ مالی وسائل ناکافی ہیں جس کی وجہ سے گزشتہ تین ماہ میں غذائی امداد میں دوسری مرتبہ کٹوتی کرنا پڑی ہے۔
اقوام متحدہ کے سیکرٹری جنرل نے سلامتی کونسل سے خطاب میں انسانی ترقی کی رفتار تیز کرنے میں مصنوعی ذہانت سے فائدہ اٹھانے کے امکانات پر بات کرتے ہوئے انقلابی نوعیت کی اس نئی ٹیکنالوجی کے نقصان دہ استعمال کے بارے میں بھی خبردار کیا ہے۔
صنفی مساوات اور بین الاقوامی ترقی کے لیے کام کرنے والے اقوام متحدہ کے اداروں کی جانب سے شائع کردہ ایک نئی رپورٹ میں بتایا گیا ہے کہ دنیا کے بہت سے حصوں میں خواتین کی کم اختیاری اور بڑے پیمانے پر صنفی فرق عام ہے۔
آنے والی نسلوں کو جنگوں سے متعلقہ جنسی تشدد کی لعنت سے تحفظ دینے کے لیے عالمی برادری کو فوری اقدامات کرنا ہوں گے۔ یہ بات اس موضوع پر اقوام متحدہ کی وکیل پرامیلا پیٹن نے سلامتی کونسل میں کہی ہے۔
اقوام متحدہ کے سیکرٹری جنرل انتونیو گوتیرش کے مطابق بحیرہ اسود کے راستے اناج کی ترسیل کے لیے ادارے کی ثالثی میں روس، ترکیہ اور یوکرین کے مابین طے پانے والے اقدام کی بدولت ایک سال میں لاکھوں ٹن اناج اور دیگر خوراک کی یوکرین کی بندرگاہوں سے برآمد ممکن ہوئی۔
اقوام متحدہ کے عالمی موسمیاتی ادارے (ڈبلیو ایم او) کے ماہرین نے کہا ہے کہ دنیا بھر میں سطح سمندر کے درجہ حرارت نے امسال مئی، جون اور جولائی میں ریکارڈ بلندی کو چھوا جبکہ ال نینو کی گرم ہوتی موسمی کیفیت کا ابھی آغاز ہی ہوا ہے۔
امیکا، گریس اور صوفیہ سے ملیے جو اقوام متحدہ کے زیراہتمام 'مصنوعی ذہانت برائے بھلائی' کے موضوع پر ہونے والی عالمی کانفرنس میں شریک ہیں۔ اس کانفرنس کا آغاز جمعرات کو جنیوا میں ہوا تھا۔
اقوام متحدہ نے یوکرین پر روس کے حملے سے شہریوں کو ہونے والے ہولناک نقصان پر افسوس کا اظہار کیا ہے۔ آج اس حملے کو 500 روز مکمل ہو گئے ہیں۔
اقوام متحدہ کے ادارہ برائے اطفال (یونیسف) اور عالمی ادارہ صحت (ڈبلیو ایچ او) نے ایک نئی رپورٹ میں بتایا ہے کہ دنیا بھر میں پانی کی فراہمی سے محروم ہر 10 گھرانوں میں سے سات میں پانی بھرنے کی بنیادی ذمہ داری خواتین اور لڑکیوں کے ذمے ہے۔
