یوکرین کے دارالحکومت کیئو پر روس کے فضائی حملوں میں بچوں سمیت درجنوں افراد زخمی ہوئے ہیں جنہیں اقوام متحدہ اور اس کے امدادی شراکت دار طبی امداد اور تحفظ مہیا کر رہے ہیں۔ کیئو پر ایک ہفتے سے بھی کم عرصہ میں ہونے والا یہ تیسرا حملہ ہے۔
پناہ گزینوں کے لیے اقوام متحدہ کے ادارے (یو این ایچ سی آر) کے ہائی کمشنر فلیپو گرینڈی نے کہا ہے کہ دنیا بھر میں 11 کروڑ 40 لاکھ لوگوں کا نقل مکانی پر مجبور ہونا انسانیت کا بحران ہے۔
مقبوضہ فلسطینی علاقے کے لیے اقوام متحدہ کی امدادی رابطہ کار لین ہیسٹنگز نے خبردار کیا ہے کہ غزہ کے موجودہ حالات آئندہ دہائیوں تک فلسطینیوں اور اسرائیلیوں کے لیے خطرہ بنے رہیں گے۔ علاقے میں جنگ بندی ہی مستقبل کی واحد راہ ہے اور اسی میں ہر ایک کا مفاد ہے۔
'کاپ 28' معدنی ایندھن کے استعمال میں بتدریج کمی لانے کے لائحہ عمل پر اتفاق رائے کے ساتھ ختم ہو گئی ہے۔ تاہم اس میں تیل، کوئلے اور گیس کے استعمال کا فوری خاتمہ کرنے کا دیرینہ مطالبہ پورا نہیں ہو سکا۔
انسانی حقوق کے عالمگیر اعلامیے (یو ڈی ایچ آر) کی 75ویں سالگرہ پر عالمی رہنماؤں نے جنگوں اور بڑھتے ہوئے دیگر مسائل کی موجودگی میں حقوق کو تحفظ دینے کے نئے اقدامات کے لیے کہا ہے۔
اقوام متحدہ کی جنرل اسمبلی نے منگل کو ہونے والے اپنے خصوصی ہنگامی اجلاس میں غزہ میں انسانی بنیادوں پر فوری جنگ بندی اور تمام یرغمالیوں کی غیر مشروط رہائی کے حق میں قرارداد بھاری اکثریت سے منظور کر لی ہے۔
اقوام متحدہ کے ادارہ برائے انسداد منشیات و جرائم (یو این او ڈی سی) نے بتایا ہے کہ افغانستان کو پیچھے چھوڑتے ہوئے میانمار اب دنیا میں افیون پیدا کرنے والا سب سے بڑا ملک بن گیا ہے۔
عالمی ادارہ صحت (ڈبلیو ایچ او) نے بتایا ہے کہ غزہ بھر میں شدید بیمار اور زخمی لوگوں کی بڑی تعداد کو اسرائیل کی متواتر بم باری کا سامنا ہے۔ شمالی علاقے میں جزوی طور پر فعال آخری ہسپتال انسانی تباہی کی تصویر بن گیا ہے۔
کاپ 28' کی حتمی دستاویز کے ابتدائی مسودے میں معدنی ایندھن کا استعمال فوری ختم کرنے کی بات شامل نہیں ہے۔ موسمیاتی تبدیلی سے بری طرح متاثرہ ممالک اور سول سوسائٹی اس کے خلاف صدائے احتجاج بلند کر رہے ہیں۔
اقوام متحدہ نے تباہ کن بھوک، بڑے پیمانے پر نقل مکانی اور بیماریوں کا سامنا کرتے 181 ملین لوگوں کی مدد کے لیے 2024 میں 46.4 ارب ڈالر مہیا کرنے کی اپیل کی ہے۔
