پندرہ رکنی سلامتی کونسل میں ریاست فلسطین کی اقوام متحدہ میں رکنیت کی قرارداد کے حق میں بارہ ووٹ پڑے جبکہ دو ارکان برطانیہ اور سوئٹزرلینڈ نے رائے شماری میں حصہ نہیں لیا۔ امریکی ویٹو کے بعد اقوام متحدہ میں فلسطین کی باقاعدہ رکنیت کی قرارداد اب جنرل اسمبلی میں رائے شماری کے لیے پیش نہیں کی جا سکے گی۔
اقوام متحدہ نے روانڈا میں ہولناک قتل عام کو 30 برس مکمل ہونے پر وہاں تتسی النسل لوگوں کی نسل کشی کو کبھی نہ بھلانے اور آئندہ دنیا بھر میں ایسے واقعات کو رونما ہونے نہ دینے کا عزم کیا ہے۔
اقوام متحدہ کی جنرل اسمبلی کے صدر ڈینس فرانسس نے 15 تا 19 اپریل 'ہفتہ پائیداریت' منانے کا اعلان کیا ہے جس کا مقصد مستحکم اقدامات پر عملدرآمد اور دنیا کو درپیش اہم مسائل سے نمٹنے کے کام کی رفتار تیز کرنا ہے۔
اقوام متحدہ کی جنرل اسمبلی کے صدر ڈینس فرانسس نے بااثر ممالک سے اپیل کی ہے کہ وہ غزہ میں چھ ماہ سے جاری جنگ کو بند کرانے میں اپنا کردار ادا کریں۔
سلامتی کونسل نے اقوام متحدہ کی مکمل رکنیت کے لیے فلسطینی مبصر ریاست کی درخواست جائزے کے لیے خصوصی کمیٹی کے سپرد کر دی ہے۔
اقوام متحدہ کے سیکرٹری جنرل انتونیو گوتیرش نے اسرائیل پر زور دیا ہے کہ وہ غزہ میں شہریوں کی زندگی کو تحفظ دینے کے لیے اپنے جنگی طرزعمل میں بامعنی تبدیلیاں لائے اور امداد کی بڑے پیمانے پر اور بروقت فراہمی یقینی بنانے میں سہولت دے۔
قیام امن و سیاسی امور کے لیے اقوام متحدہ کے اسسٹنٹ سیکرٹری جنرل خالد خیری نے سلامتی کونسل کو بتایا ہے کہ میانمار میں تین سال سے جاری مسلح تنازع میں عام شہری بری طرح متاثر ہو رہے ہیں اور اب یہ بحران ملکی سرحدوں سے باہر بھی پھیلنے لگا ہے۔
اقوام متحدہ کے شعبہ قیام امن و سیاسی امور میں پالیسی و ثالثی ڈویژن کے ڈائریکٹر آصف آر خان کہتے ہیں کہ قیام امن مثبت عزم اور امید کے ساتھ مسلسل کوشش کا نام ہے۔
اقوام متحدہ کے سیکرٹری جنرل انتونیو گوتیرش نے کہا ہے کہ ہر سال 2 ارب ٹن ٹھوس فضلہ زمین کو زہرآلود کر رہا ہے۔ اس مسئلے پر قابو پانے کے لیے دنیا کو پیداوار و صرف سے متعلق اپنی ترجیحات تبدیل کرنا ہوں گی۔
ہیٹی بڑے پیمانے پر مسلح جتھوں کے تشدد کی لپیٹ میں ہے، ملکی اداروں کا خاتمہ ہونے کو ہے اور شہریوں کو روزانہ اپنی بقا کی جدوجہد درپیش ہے۔ تاہم سلامتی کی تباہ کن صورتحال اور انسانی بحران کے دوران اقوام متحدہ مشکلات میں گھرے لوگوں کو ضروری مدد کی فراہمی جاری رکھے ہوئے ہے۔
