تازہ خبریں

اقوام متحدہ کے سربراہ نے 25 نومبر کو خواتین کے خلاف تشدد کے خاتمے کے عالمی دن سے قبل اپنے پیغام میں کہا ہے کہ ''خواتین اور لڑکیوں کے خلاف تشدد کو ختم کر کے اسے قصہء پارینہ بنا دیں۔''

2021 میں ہر گھنٹے اوسطاً پانچ سے زیادہ خواتین یا لڑکیاں اپنے ہی خاندان کے کسی رکن کے ہاتھوں قتل ہوئیں۔ یہ بات اقوام متحدہ کے دو اداروں نے بدھ کو شائع ہونے والی ایک رپورٹ میں بتائی ہے۔

ماحولیات کے لیے اقوام متحدہ کے پروگرام یو این ای پی نے 2022 کے ’چیمپیئنز آف دی ارتھ ‘ کا اعلان کیا ہے، جن کا چناؤ ایسے افراد یا تنظیموں میں سے کیا جاتا ہے جو قدرتی ماحول کے انحطاط کو روکنے اور اس کی دوبارہ بحالی کے لیے سرگرم عمل ہیں۔

یو این اے او سی کے 9ویں عالمی فورم کے موقع پر اقوام متحدہ کے سیکرٹری جنرل نے تنوع کو خوشحالی گردانتے ہوئے 'امن کا اتحاد' قائم کرنے اور سبھی کے لیے وقار اور مواقع پر مبنی زندگی یقینی بنانے کو کہا ہے۔

اقوام متحدہ میں انسانی حقوق کے ادارے کے مطابق ایران میں گزشتہ ہفتے کے دوران 40 سے زیادہ افراد ہلاک ہو چکے ہیں، جن میں بیس سال سے کم عمر کے دو نوجوان بھی شامل ہیں۔

اقوام متحدہ میں انسانی حقوق کے ادارے نے سعودی عرب سے کہا ہے کہ وہ منشیات سے متعلق جرائم پر موت کی سزاؤں کو معطل کرے۔ ادارے کی جانب سے یہ بیان سعودی عرب میں حالیہ عرصہ میں ان جرائم پر موت کی سزا بحال ہونے کے بعد آیا ہے۔

اقوام متحدہ کے سیاسی اور قیام امن سے متعلق امور کی سربراہ روزمیری ڈی کارلو نے سلامتی کونسل کو تازہ ترین حالات سے آگاہ کرتے ہوئے بتایا ہے کہ گزشتہ جمعے کو شمالی کوریا کی جانب سے ایک نئی طرز کے بین البراعظمی بیلسٹک میزائل کا تجربہ کیا گیا ہے۔

اقوام متحدہ کے سیکرٹری جنرل انتونیو گوتیرش نے کہا ہے کہ 2030 تک ٹریفک حادثات میں لوگوں کے ہلاک و زخمی ہونے کے واقعات میں نصف حد تک کمی لانے کے ہدف کو حاصل کرنے کے لیے عالمگیر کوششوں میں اضافہ کرنا ہو گا۔

انسانی حقوق سے متعلق اقوام متحدہ کے ایک غیرجانبدار ماہر نے جمہوریہ کوریا پر زور دیا ہے کہ وہ میانمار میں شہریوں کے خلاف تشدد کو ختم کرانے میں علاقائی سطح پر قائدانہ کردار ادا کر کے وہاں عالمی برادری کی ناکامی کا ازالہ کرنے میں مدد دے۔

عالمی ادارہ صحت (ڈبلیو ایچ او) فوری خطرے کے حامل جرثوموں کی تازہ ترین فہرست تیار کرنے کے لیے ایک عالمگیر سائنسی عمل شروع کر رہا ہے۔ ان سے مراد ایسے جراثیمی ذرائع ہیں جو بیماریاں اور وبائیں پھیلانے کا باعث بن سکتے ہیں۔