بچوں میں ایچ آئی وی اور ایڈز سے متعلق یونیسف کے تازہ ترین مختصر عالمگیر جائزے کے مطابق 2021 میں تقریباً 110,000 بچے اور 19 سال تک عمر کے نوجوان ایڈز سے متعلق وجوہات کی بنا پر موت کا شکار ہوئے۔
اقوام متحدہ میں مہاجرین کے ادارے یو این ایچ سی آر نے جب تیراکی کر کے جنگ زدہ شام سے جان بچا کر آنے والی دو بہنوں کی متاثر کن حقیقی داستان پر مبنی فلم کی نمائش کی تو اقوام متحدہ کی ایک عہدیدار نے اسے دنیا بھر میں گھربار چھوڑنے پر مجبور 10 کروڑ سے زیادہ لوگوں کی ''طاقت، ہمت اور استقامت کا ثبوت'' قرار دیا۔
اقوام متحدہ نے 'ایمپلی فائی ہَر' کا آغاز کیا جو کہ دنیا بھر کی ولولہ انگیز خواتین فنکاروں کے کام کے اعتراف میں شروع کی جانی والی ایک پُرجوش اور موسیقی سے بھرپور پوڈ کاسٹ ہے۔
یوکرین میں جنگی قیدیوں کو قانونی کارروائی کے بغیر سزائے موت دیے جانے کے الزامات سامنے آ رہے ہیں اور اس موقع پر اقوام متحدہ کے ہائی کمشنر برائے انسانی حقوق وولکر تُرک نے روس کی جانب سے اہم شہری تنصیبات پر میزائل اور ڈرون حملوں کے نتیجے میں انسانی تکالیف پر دکھ کا اظہار کیا ہے۔
انسانی حقوق سے متعلق اقوام متحدہ کے متعین کردہ گیارہ غیرجانبدار ماہرین نے کہا ہے کہ افغانستان میں خواتین اور لڑکیوں کے خلاف طالبان حکام کی تازہ ترین کارروائیوں کی ''صنفی بنیاد پر مظالم کے طور پر تحقیقات ہونی چاہئیں۔''
خواتین اور لڑکیوں کے خلاف تشدد ناصرف تفریق کی بدترین صورتوں میں سے ایک ہے بلکہ یہ دنیا میں انسانی حقوق کی عام اور وسیع پیمانے پر ہونے والی خلاف ورزیوں میں بھی شمار ہوتا ہے۔
اقوام متحدہ کے ہائی کمشنر برائے انسانی حقوق وولکر تُرک کے ایران میں مظاہرین کے خلاف جاری ہلاکت خیز تشدد کی غیرجانبدارانہ تحقیقات کے مطالبے کے بعد ادارے کی انسانی حقوق کونسل نے 16 ستمبر 2022 سے شروع ہونے والے مظاہروں کے بارے میں حقائق معلوم کرنے کے لیے ایک مشن تشکیل دیا ہے۔
سیاسی امور اور قیام امن کے بارے میں اقوام متحدہ کی انڈر سیکرٹری جنرل روزمیری ڈی کارلو نے سلامتی کونسل میں بات کرتے ہوئے یوکرین بھر میں شہریوں اور اہم تنصیبات پر روس کے ''بے رحمانہ حملوں'' سے ہونے والی تباہی کے بارے میں خبردار کیا ہے۔
تہذیبوں کے اتحاد کے نوویں عالمی فورم نے آج مراکش کے شہر فاس میں اپنا کام مکمل کیا۔ اس موقع پر مکالمے اور رواداری کی اقدار پر زور دیا گیا اور عالمی سطح پر مثبت کردار کی حیثیت سے افریقہ کی اہمیت کو بھی واضح کیا گیا۔
مہاجرت سے متعلق اقوام متحدہ کے ادارے 'آئی او ایم' نے کہا ہے کہ 2014 سے اب تک دنیا بھر میں اپنی زندگی کو خطرے میں ڈال کر خطرناک سفر اختیار کرنے والے 50 ہزار سے زیادہ مہاجرین ہلاک ہو چکے ہیں۔
