مشرق وسطیٰ میں کشیدگی کے باعث توانائی کی فراہمی اور تجارتی راستوں میں آنے والی رکاوٹیں دنیا بھر میں خوراک، نقل و حمل اور ضروری اشیا کی قیمتوں میں اضافے کا باعث بن رہی ہیں جس سے معاشی ترقی سست پڑ رہی ہے جبکہ غریب گھرانوں اور قرضوں کے بوجھ تلے دبے ممالک پر دباؤ بڑھتا جا رہا ہے۔
بڑھتی رہائشی لاگت، موسمیاتی آفات اور جنگوں کے باعث دنیا بھر کے کروڑوں لوگ مناسب رہائش سے محروم ہیں۔ لیکن اس مسئلے کا حل کیا ہو سکتا ہے؟ آزربائیجان کے دارالحکومت باکو میں 17 مئی سے شروع ہونے والے اقوام متحدہ کے 13ویں عالمی شہری فورم میں اسی مسئلے پر غور کیا جائے گا۔
اقوام متحدہ کا ادارہ برائے انسداد منشیات و جرائم (یو این او ڈی سی) پاکستان میں انصاف کے شعبے میں پائیدار اصلاحات لانے کے لیے قانون نافذ کرنے والے اداروں کی صلاحیتوں کو بہتر بنانے میں معاونت کر رہا ہے جس سے انہیں بیرونی تکنیکی مدد پر انحصار کو کم کرنے میں مدد ملے گی۔
فلسطینیوں کے ناقابل تنسیخ حقوق سے متعلق اقوام متحدہ کی کمیٹی نے آج نکبہ کی 78ویں برسی منائی جس کا مقصد اس المناک سانحے کو یاد کرنا اور فلسطینی عوام کی متواتر مشکلات کی جانب دنیا کی توجہ مبذول کرانا تھا۔
ہنگامی امدادی امور کے لیے اقوام متحدہ کے انڈر سیکرٹری جنرل ٹام فلیچر نےکہا ہے کہ شام میں تشدد کی شدت کم ہوئی ہے اور انسانی امداد کی رسائی میں بھی بہتری آنے لگی ہے لیکن وسائل کی کمی اور بحالی کے عمل میں تاخیر سے یہ پیش رفت ضائع ہونے کا خدشہ ہے۔
غزہ، مغربی کنارے اور لبنان میں اسرائیلی حملوں کے باعث شہریوں کو مسلسل بڑھتی مشکلات کا سامنا ہے۔ اقوام متحدہ کے اداروں نے بتایا ہے کہ نقل مکانی نے انسانی بحران کو مزید سنگین بنا دیا ہے جبکہ امدادی سرگرمیاں محدود وسائل کے باعث شدید دباؤ کا شکار ہیں۔
عالمی ادارہ صحت (ڈبلیو ایچ او) نے خبردار کیا ہے کہ سوشل میڈیا انفلوئنسر، موسیقی کے میلے اور تشہیری مہمات نوجوانوں میں بڑے پیمانے پر نکوٹین پاؤچ (تھیلی) کے استعمال کا سبب ہیں اور اس سے صحت عامہ پر سنگین منفی اثرات مرتب ہو رہے ہیں۔
اقوام متحدہ کے ہائی کمشنر برائے انسانی حقوق وولکر ترک نے رکن ممالک پر زور دیا ہے کہ وہ 'ایل جی بی ٹی کیو آئی پلس' افراد کے خلاف تشدد، امتیازی سلوک اور متعصبانہ قوانین کا خاتمہ کرتے ہوئے ان کے حقوق کی پامالی کے ذمہ داروں کو انصاف کے کٹہرے میں لائیں۔
اقوام متحدہ نے خبردار کیا ہے کہ ایچ آئی وی/ایڈز کے خلاف جنگ میں دہائیوں کی محنت سے حاصل ہونے والی کامیابیاں امدادی وسائل کی کمی کے باعث سنگین خطرات سے دوچار ہیں۔
اقوام متحدہ نے یوکرین میں گزشتہ دو روز میں روس کے متواتر ڈرون اور میزائل حملوں پر تشویش کا اظہار کیا ہے جن میں ایک نوعمر لڑکی سمیت پانچ شہری ہلاک اور متعدد زخمی ہوئے ہیں۔
