جمہوریہ کانگو میں پھیلی ایبولا وائرس کی وبا مسلسل زور پکڑ رہی ہے جس سے ہر 30 منٹ میں ایک شخص ہلاک ہو رہا ہے۔ اقوام متحدہ نے وبا پر قابو پانے کے لیے اپنے ہنگامی امدادی فنڈ سے مزید تین کروڑ 50 لاکھ ڈالر فراہم کرنے کا اعلان کیا ہے۔
اقوام متحدہ کے ادارہ برائے انسداد منشیات و جرائم (یو این او ڈی سی) نے بتایا ہے کہ مشرق وسطیٰ میں میتھم فیٹامائن (میتھ) کی سمگلنگ نے جدید صورت اختیار کر لی ہے جبکہ مصنوعی منشیات کی خریدوفروخت بھی بڑھتی جا رہی ہے۔
عالمی ادارہ صحت (ڈبلیو ایچ او) نے بتایا ہے کہ دنیا بھر میں گزشتہ آٹھ برس کے دوران صحت کے شعبے پر 10 ہزار سے زیادہ حملے ہو چکے ہیں جن میں 5,700 افراد ہلاک اور 8,000 سے زیادہ زخمی ہوئے جبکہ اب تک ان جرائم پر کسی کو جواب دہ نہیں ٹھہرایا گیا۔
مقبوضہ مغربی کنارے میں امدادی کارکنوں کو اپنا کام انجام دینے میں اسرائیلی فوجی چوکیوں، بدامنی اور رسائی پر پابندیوں سمیت 900 سے زیادہ رکاوٹوں کا سامنا ہے جو تمام مشکلات کا سامنا کرتے ہوئے لوگوں کو ضروری مدد پہنچانے کے لیے کوشاں ہیں۔
اقوام متحدہ کے حکام نے خبردار کیا ہے کہ یمن میں ایک مرتبہ پھر بڑے پیمانے پر جنگ شروع ہونے کا خطرہ ہے جبکہ ملک کا انسانی بحران سنگین صورت اختیار کر گیا ہے جہاں بھوک بڑھ رہی ہے، صحت کا نظام تباہی کے دہانے پر پہنچ گیا ہے اور لوگ مشکلات سے نمٹنے کے لیے اپنے آخری وسائل بھی استعمال کر چکے ہیں۔
انسانی حقوق سے متعلق اقوام متحدہ کے ماہرین نے خبردار کیا ہے کہ افغانستان میں گزشتہ ایک سال کے دوران شہریوں بالخصوص خواتین اور لڑکیوں کے خلاف پابندیوں میں مزید اضافہ ہوا ہے جبکہ عالمی برادری اس مسئلے پر کماحقہ سنجیدہ توجہ نہیں دے رہی۔
عالمی ادارہ محنت (آئی ایل او) نے بتایا ہے کہ کووڈ وبا ختم ہونے کے بعد دنیا میں بیروزگاری کی شرح بتدریج کم ہو گئی تھی جو اب دوبارہ بڑھنے لگی ہے اور لاکھوں نوجوانوں کو اپنی پہلی ملازمت کے حصول میں سخت دشواری کا سامنا ہے۔
اقوام متحدہ کے ہائی کمشنر برائے انسانی حقوق وولکر ترک نے ترکیہ کی پارلیمان میں منظور کی گئی ایک قانونی ترمیم کی مذمت کی ہے جس کے تحت سنگین جرائم میں سزا پانے والے نوعمر افراد کو عمر قید کی سزا دی جا سکے گی۔
اقوام متحدہ خبردار کیا ہے کہ انٹرنیٹ استعمال کرنے والے 15 سے 24 سال عمر کے نوجوانوں کو گمراہ کن معلومات، آن لائن ہراسانی، الگورتھم کے تعصبات اور مصنوعی ذہانت (اے آئی) کے بدنیتی پر مبنی استعمال سے سنگین خطرات لاحق ہیں۔
بین الاقوامی ادارہ انسداد منشیات (آئی این سی بی) نے مختلف صنعتوں کے ان شعبوں کا ایک عالمی جائزہ شائع کیا ہے جن کے بنائے آلات کو منشیات کی تیاری و تجارت میں بھی استعمال کیا جاتا ہے۔ ان میں کئی طرح کے مکسر، کیمیائی تعامل میں مدد دینے والے برتن، شیشے کے آلات، حرارتی آلے اور کیپسول بنانے والی مشینیں شامل ہیں۔
