یوکرین کے شہر نیپرو میں عالمی ادارہ صحت (ڈبلیو ایچ او) کے ایک امدادی گودام کو گزشتہ 24 گھنٹے میں دو مرتبہ حملوں کا نشانہ بنایا گیا ہے جس کے نتیجے میں وہاں موجود ہنگامی طبی امداد کا سامان تباہ ہو گیا۔
اقوام متحدہ کے سیکرٹری جنرل انتونیو گوتیرش نے روسی فوج کی جانب سے یوکرین کے دارالحکومت کیئو اور دیگر شہروں میں حالیہ دنوں بڑے پیمانے پر کی جانے والی گولہ باری اور ڈرون حملوں کی سخت مذمت کی ہے۔ اطلاعات کے مطابق، ان حملوں میں درجنوں شہری ہلاک و زخمی ہوئے جبکہ شہری تنصیبات کو بھاری نقصان پہنچا۔
روس اور یوکرین کی جانب سے حالیہ دنوں ایک دوسرے کے خلاف طویل فاصلے تک فضائی حملوں اور ڈرون کارروائیوں میں درجنوں بچوں کی ہلاکت ہوئی ہے۔ عالمی ادارہ اطفال (یونیسف) نے فریقین پر زور دیا ہے کہ وہ بچوں کو جنگی کارروائیوں سے تحفظ دینے کے لیے موثر اقدامات اٹھائیں۔
اقوام متحدہ کی سلامتی کونسل کو بتایا گیا ہے کہ 9 جولائی سے اب تک یوکرین پر روس کے شدید فضائی حملوں میں 170 سے زیادہ شہری ہلاک اور 1,028 زخمی ہو چکے ہیں جبکہ ان حملوں میں رہائشی عمارتوں، کھیل کے میدانوں، پٹرول فراہم کرنے کے مراکز، بازاروں اور انتظامی عمارتوں کو بھی نشانہ بنایا گیا ہے۔
ہنگامی امدادی امور کے لیے اقوام متحدہ کے رابطہ دفتر (اوچا) نے بتایا ہے کہ ملک پر روس کے حالیہ حملوں میں دو بچے ہلاک اور درجنوں افراد زخمی ہو گئے ہیں جبکہ امدادی سرگرمیوں کے لیے استعمال ہونے والے تین گودام بھی بری طرح متاثر ہوئے۔
قیام امن اور سیاسی امور کے لیے اقوام متحدہ کی انڈر سیکرٹری جنرل روزمیری ڈی کارلو نے سلامتی کونسل کو بتایا ہے کہ یوکرین جنگ کے خطرناک رخ کو تبدیل کرنے کا واحد راستہ بامعنی، جامع اور سنجیدہ مذاکرات ہیں۔ اس جنگ نے لاکھوں افراد کی زندگیاں تباہ کر دی ہیں اور بے شمار خاندان بے گھر ہو گئے ہیں۔
یوکرین کی جنگ میں بڑے پیمانے پر ڈرون حملوں کے نتیجے میں شہریوں کے لیے نئے اور پیچیدہ خطرات جنم لے رہے ہیں۔ اقوام متحدہ نے کہا ہے کہ ان خطروں کے اثرات جنگ کے بعد بھی برقرار رہیں گے جس سے بحالی کے عمل، زرعی سرگرمیوں اور عالمگیر غذائی تحفظ کو طویل مدتی نقصان ہو سکتا ہے۔
یوکرین کے دارالحکومت کیئو میں امدادی ادارے روس کی جانب سے مہلک حملوں میں اچانک اور بڑے پیمانے پر اضافے کے بعد ہنگامی امدادی کارروائیوں میں مصروف ہیں۔ گزشتہ روز ہونے والے حملوں میں 18 افراد ہلاک اور 90 سے زیادہ زخمی ہوئے ہیں۔
اقوام متحدہ کی سلامتی کونسل کو بتایا گیا ہے کہ یوکرین میں شدت اختیار کرتی جنگ کے نتیجے میں مزید تباہی ہو گی اور اس کے اثرات روس تک بھی پہنچیں گے۔ خطے میں بڑھتا ہوا عدم استحکام حصول امن کی کوششوں کو مزید پیچیدہ بنا دے گا۔
یوکرین کے دارالحکومت کیئو اور گنجان آباد شہر خارکیئو پر گزشتہ رات روس کے حملوں میں کئی شہری ہلاک اور درجنوں زخمی ہو گئے جبکہ نمایاں تاریخی و ثقافتی ورثے کو بھی ان حملوں میں نقصان پہنچا ہے۔
