غزہ کے گنجان ترین شہر رفح میں اسرائیل کے فضائی حملے جاری ہیں۔ امدادی امور کے لیے اقوام متحدہ کے رابطہ کار مارٹن گرفتھس نے علاقے میں پناہ گزین لاکھوں لوگوں کی زندگی کو لاحق خطرے پر سخت تشویش کا اظہار کیا ہے۔
عالمی پروگرام برائے خوراک (ڈبلیو ایف پی) کو پاکستان سے افغانستان واپس آنے والے پناہ گزینوں کی مدد کے لیے اقوام متحدہ کے مرکزی امدادی فنڈ سے 38 لاکھ ڈالر فراہم کیے گئے ہیں۔ ان وسائل سے ان لوگوں کو غذائی ضروریات پوری کرنے میں مدد ملے گی۔
اقوام متحدہ کے ادارہ برائے اطفال (یونیسف) نے میانمار میں سکولوں پر فضائی حملوں میں بچوں اور اساتذہ کی ہلاکت کی مذمت کرتے ہوئے اسے بین الاقوامی انسانی قانون کی سنگین خلاف ورزی قرار دیا ہے۔
اقوام متحدہ کے سیکرٹری جنرل انتونیو گوتیرش نے کہا ہے کہ دنیا میں تنازعات شدت پکڑ رہے ہیں، اختلافات بڑھ رہے ہیں اور تقسیم گہری ہوتی جا رہی ہے۔ امن ہی ان تمام مسائل کے حل کی کنجی ہے اور اسی کا حصول اقوام متحدہ کا بنیادی مقصد ہے۔
اقوام متحدہ نے سوڈان میں قحط کے خطرے سے نمٹنے اور ملک میں جاری جنگ سے جان بچا کر ہمسایہ ممالک میں پناہ گزین لوگوں کی مدد کے لیے 4.1 ارب ڈالر کے امدادی وسائل مہیا کرنے کی اپیل کی ہے۔
غزہ۔اسرائیل جنگ پانچویں مہینے میں داخل ہو گئی ہے جبکہ اقوام متحدہ کے امدادی حکام نے لڑائی روکنے اور تمام یرغمالیوں کی رہائی کے لیے جاری بات چیت میں مثبت پیش رفت کی اطلاعات کا خیرمقدم کیا ہے۔
ہنگامی امدادی امور کے لیے اقوام متحدہ کے رابطہ کار مارٹن گرفتھس نے کہا ہے کہ گزشتہ سال ترکیہ اور شام میں آنے والے زلزلوں سے متاثرہ ہزاروں خاندانوں کی مشکلات تاحال ختم نہیں ہو سکیں۔ رواں سال دونوں ممالک میں ایسے لاکھوں لوگوں کو امداد کی ضرورت رہے گی۔
انسدادِ تشدد کے امور پر اقوام متحدہ کی خصوصی اطلاع کار ایلس جِل ایڈورڈز نے برطانیہ کی حکومت پر جولین اسانج کی امریکہ کو ممکنہ حوالگی روکنے پر زور دیا ہے جنہیں وہاں تشدد اور بدسلوکی کا سامنا ہو سکتا ہے۔
اقوام متحدہ کے ہائی کمشنر برائے انسانی حقوق وولکر تُرک نے پاکستان میں سیاسی جماعتوں اور انتخابی امیدوراوں کے خلاف پُرتشدد اقدامات پر افسوس کا اظہار کرتے ہوئے حکام پر زور دیا ہے کہ وہ مشمولہ و بامعنی جمہوری عمل کے لیے بنیادی آزادیوں کو برقرار رکھیں۔
امدادی امور کے لیے اقوام متحدہ کے رابطہ دفتر (اوچا) نے کہا ہے کہ اسرائیل کی جانب سے غزہ میں اپنے حملے کو انتہائی گنجان علاقے رفح میں وسعت دینا جنگی جرائم کے مترادف ہو سکتا ہے جس سے ہر صورت پرہیز لازم ہے۔
