شہروں میں خواتین کے خلاف پیدائشی تعصب پایا جاتا ہے جن کی بڑی تعداد انہیں اپنے لیے غیرمحفوظ اور ناسازگار قرار دیتی ہیں۔ یہ بات سوموار کو جاری کردہ اقوام متحدہ کی رپورٹ میں بتائی گئی ہے۔ اس رپورٹ میں کہا گیا ہے کہ شہروں کی ساخت کا پوری طرح نئے سرے سے جائزہ لیا جانا چاہیے اور شہری منصوبہ بندی میں خواتین کی معقول شمولیت ہونی چاہیے۔
اقوام متحدہ کے سیکرٹری جنرل نے انڈیا میں اپنے دو روزہ دورے کے موقع پر ریاست گجرات میں ایک مثالی مںصوبے کے مقام کا دورہ کیا جسے ملک میں شمسی توانائی سے ضرورت کی تمام بجلی حاصل کرنے والا پہلا گاؤں قرار دیا گیا ہے۔
عالمی ادارہ صحت نے خبردار کیا ہے کہ اگر دنیا بھر میں حکومتوں نے ورزش کے فوائد کو فروغ دینے کے لیے فوری اقدامات نہ کیے تو 2020 اور 2030 کے درمیان تقریباً 500 ملین لوگوں کو جسمانی غیرفعالیت کے سبب دل کی بیماریاں، موٹاپا، ذیابیطس اور دیگر غیرمتعدی امراض (این سی ڈی) لاحق ہو جائیں گے۔
اقوام متحدہ کی ایک نئی رپورٹ سے ظاہر ہوتا ہے کہ بیک وقت جنگ، کووڈ۔19 وباء اور موسمیاتی تبدیلی کے بحرانوں سے دنیا بھر میں خواتین اور بچوں کی صحت کو نقصان ہوا ہے اور ان عوامل نے بچوں، نوجوانوں اور خواتین کی ترقی کے امکانات پر تباہ کن اثر ڈالا ہے۔
سوموار کو غربت کے خاتمے کے عالمی دن پر اقوام متحدہ کی جانب سے جاری کردہ ایک اہم ترین جائزے میں کہا گیا ہے کہ غربت میں نمایاں کمی لانا ممکن ہے اور اس مسئلے کو جانچنے کے نئے طریقے امدادی اداروں اور حکومتوں کو ان جگہوں پر امداد پہنچانے میں مدد دے سکتے ہیں جہاں اس کی زیادہ اور فوری ضرورت ہو۔
کرہ ارض پر نصف سے زیادہ غریب ترین لوگ 54 ممالک میں رہتے ہیں جنہیں قرضوں میں چھوٹ کی فوری ضرورت ہے۔ یہ بات اقوام متحدہ کے ترقیاتی پروگرام (یواین ڈی پی) نے سوموار کو شائع ہونے والی ایک رپورٹ میں کہی ہے جس میں امیر ممالک سے کہا گیا ہے کہ وہ غریب ملکوں کی مدد کے لیے آگے بڑھیں۔
یوکرین پر روس کے حملے کو تقریباً سات ماہ ہو گئے ہیں اور اس موقع پر اقوام متحدہ کی جانب سے مقرر کردہ انسانی حقوق کے غیرجانبدار تفتیش کاروں نے کہا ہے کہ اس مسلح تنازعے میں یقیناً جنگی جرائم کا ارتکاب ہوا ہے۔
افغانستان کے موجودہ حکمرانوں کی جانب سے لڑکیوں کو ہائی سکولوں میں جانے سے روکنے کا حکم جاری کیے جانے کو ایک سال مکمل ہونے پر اقوام متحدہ کے سربراہ انتونیو گوتیرش نے طالبان پر زور دیا ہے کہ وہ کسی تاخیر کے بغیر ''انہیں سکولوں میں واپس آنے کی اجازت دیں۔''
یوکرین پر روس کا حملہ شروع ہونے کے بعد یوکرین سے اناج اور روس سے خوراک اور کھادوں کی برآمدات نمایاں طور سے متاثر ہوئی ہیں۔ ان اشیاء کی ترسیلات میں خلل آنے سے بڑھتی ہوئی قیمتوں میں مزید اضافہ ہو گیا ہے جس سے خوراک کے عالمگیر بحران نے جنم لیا ہے۔ یوکرین سے کھادوں اور خوراک کی ضروری برآمدات کی دنیا بھر میں دوبارہ ترسیل شروع کرنے کے لیے اقوام متحدہ اور ترکی کی ثالثی کے ذریعے بحیرۂ اسود کے راستے اناج کی ترسیل کا اقدام شروع کیا گیا ہے۔ اس حوالے سے چند اہم باتیں درج ذیل ہیں۔
سیکرٹری جنرل انتونیو گوتیرش نے اس بات کا اعادہ کیا کہ سیلاب سے برباد ہونے والے پاکستان کو بہت بڑے پیمانے پر امداد کی ضرورت ہے اور انہوں ںے اس کے لیے ہنگامی بنیادوں پر مالی مدد کی فراہمی کے لیے کہا۔ گوتیرش نے یہ بات پاکستان کے دو روزہ دورے کے اختتام پر کہی جس کا مقصد موسمیاتی تبدیلی کے نتیجے میں آنے والی اس تباہی کے بارے میں آگاہی بیدار کرنا تھا جبکہ انہوں نے سیلاب سے بری طرح متاثر ہونے والے بعض علاقوں کا فضائی دورہ بھی کیا۔
