پاکستان: سیلاب کی تباہ کاریاں اور اقوام متحدہ کی امدادی کارروائیاں
اقوام متحدہ کے سربراہ نے پاکستان میں انسانی برداشت اور بہادری کو سراہا
سیکرٹری جنرل انتونیو گوتیرش نے اس بات کا اعادہ کیا کہ سیلاب سے برباد ہونے والے پاکستان کو بہت بڑے پیمانے پر امداد کی ضرورت ہے اور انہوں ںے اس کے لیے ہنگامی بنیادوں پر مالی مدد کی فراہمی کے لیے کہا۔ گوتیرش نے یہ بات پاکستان کے دو روزہ دورے کے اختتام پر کہی جس کا مقصد موسمیاتی تبدیلی کے نتیجے میں آنے والی اس تباہی کے بارے میں آگاہی بیدار کرنا تھا جبکہ انہوں نے سیلاب سے بری طرح متاثر ہونے والے بعض علاقوں کا فضائی دورہ بھی کیا۔