معذور افراد کے حقوق سے متعلق اقوام متحدہ کی کمیٹی (سی آر پی ڈی) نے جمعے کو خبردار کیا کہ یوکرین میں روس کے زیرقبضہ علاقوں میں پھنسے معذور افراد کو روس کی مسلح افواج ''انسانی ڈھال'' کے طور پر استعمال کر رہی ہیں۔
انسانی حقوق سے متعلق اقوام متحدہ کی متعین کردہ ایک غیرجانبدار ماہر نے کہا ہے کہ اگرچہ نائجیریا نے معمر افراد کے تحفظ کے لیے قانون اور پالیسی سازی کے میدان میں قابل تعریف پیش رفت کی ہے لیکن اس کے باوجود ملک میں ایسے لوگوں کو ان کی عمر کی بنا پر تعصب اور امتیازی سلوک کا سامنا ہے جس کے خلاف انہیں تحفظ دینے کے لیے پہلے سے اختیار کردہ اقدامات پر عملدرآمد ہونا چاہیے کیونکہ یہ دونوں سماجی برائیاں تاحال عام ہیں۔
سیکرٹری جنرل انتونیو گوتیرش نے جمعرات کو جنرل اسمبلی سے منظوری کے بعد آسٹریا سے تعلق رکھنے والے وولکر تُرک کو انسانی حقوق کے لیے اقوام متحدہ کا آئندہ ہائی کمشنر مقرر کیا ہے۔
