Bodi tendaji ya Shirika la fedha duniani IMF imekamilisha awamu ya nne ya Ukaguzi wa Mpango wa Upanuzi wa Hazina kwa taifa la Kenya na kuipa nchi hiyo mkopo wa dola milioni 447.9 ili iweze kutekeleza mipango yake ya upanuzi na usaidizi wa mikopo.
Licha ya misimamo tofauti kati ya serikali inayoongozwa na wataliban nchini Afghanistan, na ujumbe wa Umoja wa Mataifa wa usaidizi nchini humo, UNAMA, lazima tuendelee na mazungumzo kwa maslahi ya wananchi wa taifa hilo la Asia, amesema Mwakilishi Maalum wa Katibu Mkuu wa Umoja wa Mataifa nchini Afghanistan, UNAMA wakati akihutubia Baraza la Usalama Jumanne ya tarehe 20 Desemba 2022.
Shirika la Umoja wa Mataifa linalohusika na harakati za kutokomeza UKIMWI, UNAIDS limekaribisha uamuzi wa Mahakama Kuu ya Kenya huko Nairobi wa kutambua kwamba kulazimishwa kufunga kizazi kwa wanawake wanaoishi na VVU ni ukiukaji wa haki zao za kibinadamu.
Hatimaye hii leo Baraza la Usalama la Umoja wa Mataifa limepitisha azimio linalotengua kipengele cha azimio lake la awali namba 1533 linalotaka nchi zinazouzia silaha Jamhuri ya Kidemokrasia ya Congo, DRC kutoa kwanza taarifa kwa kamati ya Baraza hilo inayohusika na vikwazo dhidi ya taifa hilo la Maziwa Makuu barani Afrika.
Mashirika ya Umoja wa Mataifa lile la Mpango wa maendeleo duniani, UNDP, Hali ya hewa Duniani WMO pamoja na ofisi ya Umoja wa Mataifa ya upunguzaji hatari za majanga UNDRR yanashirikiana kutengeneza mfumo mpya wa ufuatiliaji, kurekodi na kuchambua majanga hatari pamoja na hasara na uharibifu unaosababishwa na matukio hayo.
Ingawa Umoja wa Mataifa ulitangaza kuwa baa la njaa limeweza kuepukwa kwa sasa nchini Somalia, Shirika la Umoja wa Mataifa la chakula na kilimo duniani, FAO limesema bado kuna muda wa kufanya mageuzi zaidi kuepusha kabisa baa la njaa kwa kushughulikia mahitaji ya haraka ya jamii za vijijini ambazo ni miongoni mwa walio hatarini zaidi.
Ikiwa ni siku chache zimepita tangu dunia kuadhimisha siku ya wahamiaji duniani, Umoja wa Mataifa kupitia shirika lake la uhamiaji, IOM, ukitoa wito kwa jamii ya kimataifa na nchi wanachama wa Umoja huo kushiriki katika kufanikisha uhamiaji wa wale wanaokimbia ghasia makwao na halikadhalika wale wanaosaka fursa bora, mmoja wa wanufaika wa uhamiaji ametoa shukrani zake kwa taifa ambalo limempatia hifadhi baada ya kukimbia Jamhuri ya Kidemokrasia ya Congo, DRC.
Hii leo Katibu Mkuu wa Umoja wa Mataifa António Guterres ametangaza kuwa ameazimia kuufanya mwaka uja owa 2023 kuwa mwaka wa amani na mwaka wa kuchukua hatua, akimulika umuhimu wa kuwa na majawabu yanayotekelezeka kwa changamoot lukuki zinazokabili dunia.
Kuwaandama waathirika wa usafrishaji haramu wa binadamu na aina za utumwa za kisasa kunaondoa huruma ya umma katika hatua za kuwalinda na huenda ikasababisha mashambulizi ya watu wenye itikadi kali dhidi ya makundi hayo, wataalam wa Umoja wa Mataifa wameonya leo, wakiitaka Uingereza kuongeza juhudi za kuwalinda manusura.
Ikiwa leo ni tamati ya mkutano wa 15 wa nchi wanachama wa mkataba wa kimataifa kuhusu bayonuai, COP15, huko Montréal, Canada, wadau mbalimbali wa mazingira wamekaribisha makubaliano ya kihistoria yaliyofikiwa katika mkutano huo kuhusu mpango mpya wa kuhifadhi na kulinda asili kwa kutumia Mfumo mpya wa Kimataifa wa Bayonuai, (GBF).
