Habari Mpya

Kufuatia ziara yake rasmi katika Jamhuri ya Kidemokrasia ya Congo kuanzia tarehe 10-13 Novemba 2022, Mshauri Maalum wa Umoja wa Mataifa kuhusu kuzuia mauaji ya kimbari, Alice Wairimu Nderitu amesikitishwa sana na kuongezeka kwa ghasia katika Ukanda wa Maziwa Makuu ambako Mauaji ya Kimbari yam waka 1994 dhidi ya Watutsi nchini Rwanda yalitokea. 

Hii leo Umoja wa Mataifa umejumuisha tamaduni 19 kwenye orodha ya turathi za dunia za tamaduni zisizoshikika au kugusika, (Intangibile Cutural Heritage) ambapo tamaduni hizo zinahusisha ufahamu na stadi muhimu kwa ajili ya usanii wa kijadi au vitendo vya kitamaduni vinayohamishwa kutoka kizazi kimoja hadi kingine.

Juhudi za maendeleo za muda mrefu zinahitajika ili kubadili viwango vilivyovunja rekodi vya wakimbizi wa ndani duniani kote, inasema ripoti mpya ya shirika la Umoja wa Mataifa la mpango wa marendeleo, UNDP iliyotolewa leo. 

Shirika la Umoja wa Mataifa la Uhamiaji IOM hii leo linazindua Zana ya Haki na zenye uadilifu wakati wa kuajiri ili kusaidia makampuni ya biashara kufanya uchunguzi wa kina ili kuhakikisha wakati wanaajiri wafanyakazi wahamiaji wanafanya uajiri wa haki na wa kimaadili.

Janga la mfumuko wa bei likichanganyika na kudorora kwa ukuaji wa uchumi duniani vikichochewa na vita nchini Ukraine na janga la nishati duniani kwa pamoja vinasababisha anguko la vivwango vya mishahara na ujira kwenye nchi nyingi duniani. 

Katibu Mkuu wa Umoja wa Mataifa Antonio Guterres ametuma salamu za rambirambi kwa serikali ya China, wananchi, na familia ya aliyekuwa rais wa zamani wan chi hiyo Jiang Zemin kufuatia taarifa za kifo chake.

Nchi za Afrika zimechagizwa kuwekeza katika kujenga mnepo wa miundombinu thabiti ya ya mtandao wa intaneti ili kutumia fursa za kidijitali na kuharakisha mageuzi ya kijamii na kiuchumi barani humo.

Nchini Uganda shirika la Umoja wa Mataifa la kuhudumia watoto, UNICEF limewezesha wanafunzi wa shule moja ya msingi nchini humo kufanya mtihani wa kuhitimu shule ya msingi baada ya shule hiyo kulazimika kufungwa na wanafunzi kuwekwa karantini kufuatia mwanafunzi mmoja kupata maambukizi ya Ebola. 

Kongamano la kila mwaka la Umoja wa Mataifa kuhusu utawala wa mtandao linaendelea wiki hii mjini Addis Ababa, Ethiopia, likilenga kutoa masuluhisho kwa mustakabali wa kidijitali ulio wazi, huru, jumuishi na salama kwa wote, hasa kwa watu bilioni 2.7 wasio na mtandao. 

Sehemu kubwa ya dunia ilikuwa kavu kuliko kawaida mwaka 2021, na kusababisha athari kubwa za za uchumi, mifumo ya ikolojia na maisha yetu ya kila siku, limesema leo shirika la hali ya hewa duniani (WMO).