Mashirika mawili ya Umoja wa Mataifa, lile la afya ulimwenguni, WHO na la hali ya hewa, WMO leo yamezindua jukwaa maalum la kuongeza ufahamu juu ya uhusiano kati ya tabianchi na afya, likiwa ni jukwaa la kwanza kabisa la aina yake.
Ushirikiano na ukuaji kiuchumi ni miongoni mwa masuala muhimu katika kuhakikisha nchi yoyote ina amani na wananchi wake wanapata Maendeleo. Na ili kuhakikisha wananchi wa Sudan Kusini wana amani na maendeleo, Ujumbe wa Umoja wa Mataifa wa kulinda Amani nchini humo UNMISS umeandaa warsha ya biashara lengo likiwa ni kuwatia moyo wafanyabiashara wa ndani na kuwawezesha kiuchumi ili nao waweze kuimarisha biashara zao lakini pia waweze kufanya biashara na Umoja wa Mataifa .
Katibu Mkuu wa Umoja wa Mataifa Antonio Guterres amesikitishwa sana na kuibuka tena kwa mapigano tangu tarehe 20 Oktoba,2022 kati ya vikosi vya jeshi la serikali ya Jamhuri ya Kidemokrasia ya Congo, DRC, FARDC na kundi la wapiganaji waasi la M23 ambayo yamesababisha vifo vya raia, kusababisha watu kuyakimbia makazi yao na kujeruhiwa kwa walinda amani wanne wa Ujumbe wa Umoja wa Mataifa wa kulinda amani nchini humo, MONUSCO.
Shirika la Umoja wa Mataifa la kazi duniani, ILO limetoa ripoti yake ikisema ukosefu wa ajira na ukosefu wa usawa vyote vitaendelea kuongezeka duniani kutokana na majanga lukuki yanayoingiliana ya kiuchumi na kisiasa na hivyo kutishia kukwamuka kwa soko la ajira duniani.
Leo ni siku ya miji duniani ambapo Katibu Mkuu wa Umoja wa Mataifa Antonio Guterres ametaka wakazi wa sayari dunia watambue dhima muhimu ya maeneo ya mijini katika kufanikisha malengo ya maendeleo endelevu, SDGs. Thelma Mwadzaya na taarifa kamili.
Katibu Mkuu wa Umoja wa Mataifa, António Guterres ameelezea wasiwasi wake mkubwa juu ya uamuzi wa Urusi kusitisha ushiriki wake kwenye makubaliano ya usafirishaji nafaka kupitia Bahari Nyeusi, au kwa kiingereza, Black Sea Grain Initiative, makubaliano ambayo yalianzishwa tarehe 22 mwezi Julai mwaka huu ili kuwezesha Ukraine kuanza kuuza tena nje ya nchi hiyo vyakula na mbolea.
Mkutano wa siku mbili wa Kamati ya Baraza la Usalama la Umoja wa Mataifa dhidi ya ugaidi, uliofanyika nchini India umemalizika kwa kupitisha azimio la kuahidi kuzuia na kukabili aina zote za ugaidi, hasa ule wa kuutmia ndege zisizo na rubani au droni, mitandao ya kijamii na ufadhili wa ugaidi kimtandao.
Shirika la Umoja wa Mataifa linalohudumia Wakimbizi UNHCR, limetahadharisha ongezeko la wakinbizi huko Sahel na kutoa ombi la msaada wa haraka wa mahitaji ya kibinadamu kwa zaidi ya watu milioni 3.4 waliokimbia makazi yao na wenyeji wao kutokana na mafuriko makubwa yaliyozikumba nchi za Nigeria, Chad, Niger, Burkina Faso, Mali na Cameroon hivi karibuni.
“Ombi langu kwa wawakilishi wote wa nchi wahakikishe hakuna eneo lolote linakuwa salama kwa ugaidi,” amesema Nidhi Chaphekar, manusura wa shambulio la kigaidi la mwaka huko Brussels nchini Ubelgiji. Kauli yake hiyo ameitoa huko India hii leo Ijumaa wakati wa ufunguzi wa mkutano maalum wa Kamati ya Baraza la Usalama la Umoja wa Mataifa ya kukabiliana na ugaidi.
Kamishna Mkuu wa Umoja wa Mataifa wa Haki za Kibinadamu Volker Türk ameipongeza serikali ya Kenya kwa kile alichoeleza ni hatua muhimu ya kuelekea uwajibikaji kwa ukiukaji mkubwa wa haki za binadamu nchini Kenya, kufuatia uamuzi wake wa wa kutumia Sheria ya Uhalifu wa Kimataifa kuwafungulia mashitaka maafisa wakuu wa polisi kwa mauaji, ubakaji na utesaji kama uhalifu dhidi ya ubinadamu kufuatia vurugu zilizotokea wakati wa uchaguzi Mkuu wa nchi hiyo mwaka 2017.
