Wataalamu wawili wanaowakilisha mashirika yanayotetea haki za binadamu wametangaza taarifa ya pamoja, iloilaumu vikali Serikali ya Thailand, kwa kuwahamisha kwa nguvu, wahamiaji 4,000 wa makabila ya Hmong na kuwarejesha kwenye taifa jirani la Laos, bila ya idhini yao.
Mataifa ya Ulaya ya kati na mashariki yameripotiwa na Shirika la Afya Duniani (WHO) kuwa ndio maeneo ya ulimwengu yaliosumbuliwa zaidi sasa hivi na maambukizo ya homa ya mafua.
Shirika la UM juu ya Miradi ya Chakula Duniani (WFP) leo limetoa taarifa maalumu, ya shukurani, kwa Mataifa Wanachama katika sehemu zote za dunia, kwa kazi ngumu na misaada waliochangisha katika zile huduma za kupiga vita njaa ulimwenguni mnamo 2009.
Navi Pillay, Kamishna Mkuu wa UM juu ya Haki za Binadamu kwenye taarifa aliotoa kwa vyombo vya habari Ijumatano alisema ya kuwa alishtushwa na kile alichokiita "mfumko wa vifo, majeraha na watu kukamatwa" katika Jamhuri ya KiIslam ya Iran.
Shirika la UM juu ya Hifadhi ya Mazingira (UNEP) limetangaza kuwa litaipatia Yemen fursa ya kupokea makala muhimu za kisayansi, kwa kutumia taratibu za mtandao, ikiwa miongoni mwa miradi ya kujiendeleza na maarifa ya sayansi ya kisasa kwenye nchi zinazoendelea, katika kipindi ambacho mataifa haya huwa yanakabiliwa na matatizo kadha wa kadha, yanayozushwa na athari za mabadiliko ya hali ya hewa.
Shirika la UM juu ya Huduma za Wahamiaji (UNHCR) limeeleza UM kwamba liliwajibika kushughulikia kihali jumla ya wahamiaji 66,000 waliomiminikia kwenye kambi za wahamiaji ziliopo Sudan mashariki, kutokea Eritrea, Ethiopia na Usomali.
Wawakilishi wa Shirika la Vikosi vya Mchanganyiko vya UM-UA kwa Darfur (UNAMID) pamoja na wawakilishi wa Serikali ya Sudan wameripotiwa kutiliana sahihi makubaliano ya jumla, kuhusu mradi wa utendaji, uliokusudiwa kuhakikisha watumishi wa UNAMID pamoja na mali zao, huwa watapatiwa usalama wanaostahiki kwenye jimbo la mvutano la Sudan Magharibi la Darfur.
Ijumanne, wawakilishi wa kutoka Shirika la Vikosi vya Mchanganyiko vya UM-UA kwa Darfur (UNAMID) walitiliana sahihi na Serikali ya Sudan makubaliano ya jumla kuhusu mradi wa utendaji, uliokusudiwa kuhakikisha usalama wa watumishi wa UNAMID pamoja na mali zao. Taadhima ya utiaji sahihi mapatano haya ilifanyika kufuatilia kikao cha utendaji kazi, kilichokutana Khartoum Ijumapili ya tarehe
Dktr Margaret Chan, Mkurugenzi Mkuu wa Shirika la Afya Duniani (WHO), kwenye mahojiano mjini Geneva na gazeti la Le Temps, Ijumanne alinakiliwa akisema janga la homa ya mafua ya H1N1 halitofanikiwa kudhibitiwa kikamilifu mpaka mwaka 2011.
Raia wa Burundi milioni moja, waliotimia umri wa kupiga kura, watafadhiliwa bure vitambulisho vya uraia vitakavyowaruhusu kushiriki kwenye uchaguzi utakaofanyika nchini mwao mnamo mwezi Mei 2010.
