غزہ کی جنگ میں ہلاکتیں ہر گزرتے لمحے بڑھتی جا رہی ہیں اور ان میں زیادہ تعداد خواتین اور بچوں کی ہے۔ ان حالات میں اقوام متحدہ کے ہائی کمشنر برائے انسانی حقوق وولکر تُرک نے بین الاقوامی قوانین کی پامالی کرنے والوں کا احتساب یقینی بنانے پر زور دیا ہے۔
غزہ میں انسانی بنیادوں پر جنگ بندی کے لیے جنرل اسمبلی میں منظور کردہ حالیہ قرارداد سے ظاہر ہوتا ہے کہ کیسے یہ ادارہ عالمی ضمیر کی نمائندگی کرتا ہے۔ اگرچہ جنرل اسمبلی میں کلی اتفاق رائے کبھی نہیں ہوا لیکن جب دو تہائی ارکان کسی بات کے حق میں ہوں تو یہ ہم آہنگی و اتفاق رائے کی قوی علامت اور اس بارے میں طاقتور پیغام ہوتا ہے۔
مقبوضہ فلسطینی علاقے میں انسانی حقوق کی صورتحال پر نظر رکھنے والی اقوام متحدہ کی غیرجانبدار ماہر فرانچسکا البانیز نے کہا ہے کہ اسرائیل پر حماس کی دہشت گرد کارروائیاں اور جواب میں غزہ کی پٹی میں جاری اسرائیل کے حملے بہت بڑے درجے کی سیاسی و انسانی تباہی ہیں۔
یو این نیوز کو انٹرویو دیتے ہوئے سیکرٹری جنرل انتونیو گوتیرش کا کہنا تھا کہ کہ جنرل اسمبلی کے سالانہ اجلاس میں عالمی رہنماؤں کی شرکت یا عدم شرکت سے زیادہ اہم یہ یقینی بنانا ہے کہ رکن ممالک کے نمائندے پائیدار ترقی کے اہداف سے متعلق ضروری وعدے کرنے کے لیے تیار ہوں کیونکہ بدقسمتی سے ان اہداف کی جانب درست سمت میں پیش رفت نہ ہونا ایک حقیقت ہے۔
عالمی ادارہ محنت (آئی ایل او) کے اعلیٰ سطحی ماہر معاشیات نے کہا ہے کہ دنیا بھر میں تیزی سے بڑھتے درجہ حرارت سے کارکنوں کا تحفظ خطرے میں ہے اور موسمیاتی تبدیلی سے مطابقت پیدا کرنے کی کم ترین صلاحیت رکھنے والے لوگوں پر اس کے شدید اثرات مرتب ہو رہے ہیں۔
اگست 2021 میں جب طالبان دوبارہ برسراقتدار آئے تو افغانستان فی الواقع باقی دنیا سے الگ ہو گیا اور انسانی حقوق کو مزید محدود کرنے کے لیے حکام کی جانب سے لیے گئے فیصلوں نے ملک کی تنہائی مزید بڑھا دی۔
