COVID-19 imebadili maisha yetu na kuutumbukiza ulimwengu katika mateso na huzuni. Ndivyo alivyoanza ujumbe wake wa mwaka mpya 2020, Katibu Mkuu wa Umoja wa Mataifa Antonio Guterres, ujumbe alioutoa kwa njia ya video kutoka jijini New York, Marekani, makao makuu ya Umoja wa Mataifa.
Watoto ulimwenguni kote masomo yao yamevurugika sana mwaka huu, kwani shule zinajitahidi kukabiliana na hali ya kufungwa na kufunguliwa tena kwa shule, na kuelekea katika masomo ya mtandaoni ikiwa hata ni chaguo. Watoto walio katika hali duni, hata hivyo, wameathirika zaidi na hatua za dharura zilizochukuliwa. Katika sehemu ya tatu ya tathimini yetu ya athari ya COVID-19 kwa ulimwengu, tunajikita kwenye janga la elimu lililosababishwa na janga la COVID-19.
Mashirika ya Umoja wa Mataifa yamefikisha msaada wa chakula wa kuokoa Maisha kwa wakimbizi 25,000 kutoka Eritrea walioko kwenye jimbo la Tigray nchini Ethiopia.
Katibu Mkuu wa Umoja wa Mataifa Antonio Guterres amesema maadhimisho ya kimataifa ya siku ya kujindaa dhidi ya majanga yamekuja katika kipindi ambacho ni muafaka na kuakisi kile ambacho kinapaswa kufanywa ili kuepuka madhara makubwa.
Katika mkesha wa uchaguzi mkuu nchini Jamhuri ya Agfrika ya Kati CAR, Katibu Mkuu wa Umoja wa Mataifa ametoa wito kwa wadau wote kuhakikisha uchaguzi wa kesho Jumapili unafanyika kwa njia ya amani, uwe jumuishina wa kuaminika.
Wakati wa janga la COVID-19 pengo la ukosefu wa usawa kati ya matajiri na maskini limeongezeka zaidi, halikadhalika umaskini, ikiwa ni mara ya kwanza katika miongo kadhaa. Katika sehemu hii ya pili ya mfululizo wa makala kuhusu jinsi COVID-19 imebadili dunia, tunaangazia jinsi janga hilo limerudisha nyuma juhudi za kujenga jamii zenye usawa zaidi.
Mapigano na mivutano iliyoshuhudiwa wiki iliyopita nchini Jamhuri ya Afrika ya Kati CAR, ina athari kubwa kwa ulinzi wa raia nchini humo limeonya shirika la Umoja wa Mataifa la kuratibu masuala ya kibinadamu na misaada ya dharura OCHA.
Nchini Senegal, wakulima na wafanyabiashara wadogo wameushukuru mradi wa kusaidia maendeleo ya sekta ya kilimo, PAFA, unaofadhiliwa na Mfuko wa kimataifa wa maendeleo ya kilimo IFAD.
Maji ni hai ni kauli ambayo imethibitika kwa wakazi wa jimbo la Dankpen nchini Togo, baada ya Umoja wa Mataifa kupitia shirika lake la chakula na kilimo, FAO na serikali, kukarabati bwawa linalotumika hivi sasa kwa shughuli siyo tu za umwagiliaji, bali pia maji kwa wanyama na utalii.
Mwaka 2020 ukielekea ukingoni, Mkurugenzi Mtendaji wa shirika la Umoja wa Mataifa la masuala ya idadi ya watu, UNFPA, Dkt. Natalia Kanem amesema mwaka huu wa 2020 ulikuwa ni mwaka wa janga kuu zaidi kwa wanawake na wasichana ambao tayari walikuwa kwenye masahibu hata kabla ya janga hilo.
