Habari Mpya

Mashirika ya Umoja wa Mataifa la chakula na kilimo duniani, FAO, la afya WHO na lile la biashara duniani yamesema mamilioni ya watu ulimwenguni kote hutegemea biashara ya kimataifa kwa uhakika wao wa chakula na riziki. Wakati nchi zinachukua hatua za kudhibiti janga la virusi vya corona, COVID-19, ni lazima kuwa makini ili kupunguza athari zinazoweza kupatikana katika usambazaji wa chakula au matokeo yasiyotarajiwa katika biashara ya kimataifa na usalama wa chakula.

Taarifa ya pamoja kwa vyombo vya habari iliyotolewa hii leo na Ofisi ya haki za binadamu ya Umoja wa Mataifa OHCHR, pamoja na mashirika ya Umoja wa Mataifa lile la wahamiaji, IOM, la kuhudumia wakimbizi UNHCR na la afya WHO imetoa wito kwa dunia kulinda haki na afya ya wakimbizi, wahamiaji na wasio na utaifa katika wakati huu wa mapambano dhidi ya virusi vya corona, COVID-19.

Umoja wa Mataifa leo umezindua mkakati wa kushughulikia uwezekano wa athari kubwa za kijamii na kiuchumi zitakazosababishwa na janga la kimataifa la mlipuko wa virusi vya Corona, COVID-19 na kuanzisha mfuko wa kuzisaidia nchi za kipato cha chini na cha wastani.

Uganda imefuata nyayo ya baadhi ya nchi duniani ya kupitisha amri ya kutotembea usiku kama mojawapo ya njia za kuzuia kuenea kwa ugonjwa wa virusi vya Corona, au COVID-19, sanjari na kufunga mipaka yake na kupiga marufuku usafiri wa magari binafsi.

Shirika la Umoja wa Mataifa la kuhudumia wakimbizi, UNHCR, limeweka bayana jinsi operesheni zake zinavyoendelea mashinani kusaidia harakati za kukabiliana na ugonjwa wa virusi vya Corona, au COVID-19 sambamba na kuepusha kuenea zaidi kwa virusi hivyo vilivyokwishasambaa katika nchi 199 duniani.

Mfumo wa afya nchini Jamhuri ya Kidemokrasia ya Congo DRC, unahitaji msaada wa haraka wakati huu ukilemewa na magonjwa ya surau na kipindupindu yanayokatili maisha ya maelfu ya watoto pamoja na tishio la janga jipya la virusi vya Corona COVID-19.

Kamati ya Kimataifa ya Olimpiki IOC na Kamati ya kimataifa ya Paralimpiki IPC au Olimpiki ya watu wenye ulemavu, kwa pamoja kamati ya maandalizi ya Tokyo 2020, Serikali ya mji wa Tokyo na serikali ya Japani wametangaza kuwa kutokana na mlipuko wa virusi vya Corona, COVID-19, sasa michezo ya Olimpiki iliyokuwa ifanyike mwaka huu mjini Tokyo, itafanyika mwaka ujao wa 2021.

Kamisheni ya Umoja wa Mataifa ya kiuchumi kwa ajili ya Afrika UNECA, imeaninisha changamoto zinazolikabili bara la afrika katika hatua Madhubuti za kupambana na mlipuko wa virusi vya Corona, COVID-19.

Dola trilioni 2.5 zinahitajika ili kuzisaidia nchi zinazoendelea ambako theluthi mbili ya watu wote duniani wanaishi ili kuhimili athari za kijamii na kiuchumi kutokana na mgogoro wa virusi vya Corona, COVID-19.

Ugonjwa wa virusi vya Corona, au COVID-19 ukiwa umeshasambaa katika mataifa 199 ikiwemo Tanzania, vijana nao wanaibuka na ubunifu mbalimbali ili kusaidia mataifa yao katika kudhibiti kuenea kwa gonjwa hilo lisilo na tiba wala chanjo. Ubunifu wa vifaa vya kudhibiti kuenea umefanywa na kijana mmoja nchini Tanzania kama anavyoripoti… wa kituo cha habari za Umoja wa Mataifa, UNIC jijini Dar es salaam.