Umoja wa Mataifa leo umefanya mkutano wa ngazi ya juu kwenye Makao Makuu ya Umoja wa Mataifa ukishirikisha wadau mbalimbali kupitia mtandao kwa lengo la kuimarisha ushirikiano na kutumia nyenzo zilizopo kwa ajili utengenezaji wa chanjo dhidi ya janga la corona au COVID-19.
Nchini Jamhuri ya Kidemokrasia ya Congo, DRC, mradi ulioendeshwa na shirika la Umoja wa Mataifa la kuhudumia watoto, UNICEF umewezesha watoto kufungua mradi wao wa kuoka na kupika mikate, mandazi na kalmati na hivyo kuona angalau nuru ya maisha kwenye taifa hilo lililogubikwa na mizozo hususan mashariki mwa nchi.
Mkutano wa ngazi ya juu wa Baraza Kuu la Umoja wa Mataifa unaendelea mjini New York Marekani na leo unajikita na suala la bayonuai ambayo kwa muda sasa imekuwa ikiendelea kupotea na kuzusha hofu ya mustakbali wa viumbe vya dunia wakiwemo binadamu, mazingira na sayari yenyewe kwa kizazi hiki na vizazi vijavyo.
Kufuatia idhini iliyotolewa na Baraza la Usalama la Umoja wa Mataifa kwa kikosi cha mpito cha Umoja wa Mataifa nchini Lebanon, UNIFIL kuchukua hatua za maalumu za muda mfupi ili kutoa usaidizi kwa Lebanon na watu wake baada ya mlipuko uliotokea nchini mwezi uliopita, walinda amani wa UNIFIL tayari wamekita kambi katika mji Mkuu wa Lebanon, Beirut, wakiwa na vifaa mbalimbali tayari kutoa msaada unaohitajika.
Wakati mjadala wa kihitoria wa Baraza Kuu la Umoja wa Mataifa kupitia mtandaoni UNGA75 umefunga pazia leo, Rais wa Baraza Kuu la Umoja huo amesema viongozi wa kisiasa wameahidi kuonesha mshikamano wa kimataifa.
Tunauona ushirikiano wa kimataifa kama njia ya kushughulikia matishio magumu na mapya kama vile janga la COVID-19 ambalo limeathiri kila mwanachama wa jumuiya ya kimataifa, imeeleza sehemu ya kwanza ya hotuba ya Rais Yoweri Kaguta Museveni wa Uganda katika mjadala mkuu wa Baraza Kuu la Umoja wa Mataifa ambayo imesomwa kwa niaba yake na Naibu Mwakilishi wa kudumu wa Uganda katika Umoja wa Mataifa, Balozi Philip Ochen Odida ikieleza pamoja na mengine, kile ambacho wamejifunza kutokana na ugonjwa huo.
Tanzania imezungumza kwenye mjadala mkuu wa mkutano wa 75 wa Baraza Kuu la Umoja wa Mataifa na kuelezea msimamo wake katika masuala mbalimbali ikiwemo ushirikiano wa kimataifa, janga la ugonjwa wa Corona, COVID-19, amani na usalama maziwa makuu na mustakabali wa Umoja wa Mataifa wakati huu ambapo chombo hicho kinatimiza miaka 75 tangu kuanzishwa kwake.
Shirika la afya la Umoja wa Mataifa, WHO limesema linachunguza madai ya kuwepo kwa utumikishaji wa kingono wanawake na wasichana wakati wa operesheni za kukabiliana na mlipuko wa Ebola nchini Jamhuri ya Kidemokrasia ya Congo, DRC.
Manusura wa ugonjwa wa Corona au COVID-19 kutoka mataifa 37 duniani ni miongoni mwa watu waliopaza sauti kutaka chanjo dhidi ya ugonjwa huo itakapopatikana iweze kumfikia kila mtu popote pale alipo bila kujali hali yake ya kiuchumi au kijamii na isiwe na hataza.
Shirika la mpango wa chakula la Umoja wa Mataifa WFP linasema hali ya kibinadamu nchini Sudan Kusini inaendelea kuzorota kwa kasi wakati wimbi la njaa likienea katika nchi ambayo ina mgogoro, mvua kubwa na mafuriko ambayo yanavuruga upatikanaji wa chakula kwa watu.
