Habari Mpya

Ikiwa ni sehemu ya maadhimisho ya kimataifa ya kutovuta tumbaku, siku inayoadhimishwa kila tarehe 31 mwezi Mei ili kukuza uelewa kuhusu madhara ya zao hilo, shirika la afya la Umoja wa Mataifa WHO linaeleza kuwa kila mwaka tasnia ya tumbaku inawekeza zaidi ya dola bilioni 9 za kimarekani kutangaza bidhaa zake zaidi ikiwalenga vijana na nikotini na tumbaku kwa nia ya kujaza nafasi ya watu milioni 8 ambao bidhaa hiyo inawaua kila mwaka.

Mkurugenzi mtendaji wa shirika la Umoja wa Mataifa la kuhudumia Watoto UNICEF amelaani vikali mauaji ya wahudumu wa afya ambao kazi yao ni kuokoa maisha ya kibinadamu nchini Somalia na kusema ukatili huo hauna nafasi na haukubaliki.

Katibu Mkuu wa Umoja wa Mataifa Antonio Guterres Alhamisi wiki hii ameteua na kutangaza jopo la wajumbe 10 watakaokuwa washauri wake wa mfuko wa ujenzi wa amani na miongoni mwao ni balozi mstaafu kutoka Tanzania.

Ujumbe wa pamoja wa Umoja wa Mataifa na Muungano wa Afrika huko Darfur, Sudan, UNAMID umetangaza kuwa unashirikiana na mamlaka nchini Kenya kuwahudumia maafisa waliokutwa na maambukizi ya virusi vya corona.

Shirika la Umoja wa Mataifa la kuhudumia wakimbizi UNHCR na wadau wengine wa misaada ya kibinadamu wanaoneza juhudi za misaada kwa ajili ya watu 4,000 ambao ni wakimbizi wa ndani waliopoteza kila kitu katika moto mkubwa uliozuka na kuteketeza kambi ya wakimbizi wa ndani mjini Maiduguri jimbo la Borno Mashariki mwa Nigeria.

Wanawake wa  Jamhuri ya Kidemokrasia ya Congo, DRC,ameomba walinda amani wanawake kutoka Tanzania waendelee kuwaunga mkono kiuchumi na kijamii.

Kuelekea maadhimisho ya siku ya kimataifa ya kutovuta tumbaku, keshokutwa Jumapili, shirika la afya la Umoja wa Mataifa WHO hii leo Ijumaa linazindua mwongozo au zana mpya kwa ajili ya wanafunzi wa umri wa kuanzia miaka 13 hadi 17 kuwatahadharisha na mbinu za tasnia ya tumbaku zinazotumika kuwavutia na bidhaa hiyo yenye kuleta uraibu.

Mlinda amani mwanamke kutoka Tanzaina ambaye anahudumu katika ujumbe wa Umoja wa Mataifa nchini Jamhuri ya kidemokrasia ya Congo, DRC, MONUSCO,  amethibitisha umuhimu wa uwepo wa askari wa kike katika ulinzi wa amani katika taifa hilo lililogubikwa na mizozo.

Sajini Baru Mwita ambaye ni dereva na fundi pekee mwanamke kutoka Tanzania akihudumu kwenye ujumbe wa Umoja wa Mataifa wa kulinda amani nchini Jamhuri ya Kidemokrasia ya Congo, DRC, MONUSCO, amesema kitendo cha mwanamke kuchagua kazi ni kujibagua yeye mweyewe.

 

Mkutano wa ngazi ya juu wa ufadhili kwa ajili ya maendeleo umefanyika leo Alhamisi ukihusisha Umoja wa Mataifa  na maafisa wawakilishi wa serikali mbalimbali, lengo kubwa likiwa ni kuchagiza msaada wa kimataifa wa fedha kwa ajili ya kuzisaidia nchi zinazoendelea ambazo zimedhoofishwa Zaidi na mlipuko wa janga la virusi vya corona au COVID-19 katika katika hatua zake za utumizaji wa malengo ya maendeleo endelevu , SDGs.