Mkurugenzi Mkuu wa shirika la Umoja wa Mataifa la chakula na kilimo FAO, QU Dongyu amekaribisha msaada wa Euro milioni 17 kutoka kwa serikali ya Ujerumani ili kutoa msaada wa moja kwa moja kwa waathirika wa janga la nzige Afrika Mashariki.
Karne ya 21 inatakiwa kuwa karne ya usawa wa wanawake, ni kauli iliyotolewa hii leo alhamis na Katibu Mkuu wa Umoja wa Mataifa Antonio Guterres alipokuwa akitoa wito wa kuibadilisha dunia katika kuhakikisha ushiriki sawa kwa wote.
Makombora yakizidi kumiminikia raia wasio na hatia nchini Syria, huku virusi vya Corona navyo vikizidi kusambaa maeneo mbalimbali duniani, Katibu Mkuu wa Umoja wa Mataifa Antonio Guterres amezungumza na waandishi wa habari na kuhusu zahma hizo akisema kuwa kwa Corona huu si wakati wa kuchanganyikiwa na kwa Syria, janga hilo ni moja ya mazingira ya kutia shaka zaidi kwenye muongo wa sasa.
Mtaalamu huru wa haki za binadamu wa Umoja wa Mataifa ameeleza wasiwasi wake juu ongezeko la matumizi ya vifungo vya upweke na vya muda mrefu kwenye magereza nchini Marekani.
Umoja wa Mataifa unaendelea kufuatilia kwa karibu hali inayotia hofu kubwa Kaskazini Magharibi mwa Syria kufuatia taarifa kwamba askari kadhaa wa Uturuki wameuawa kwenye shambulio la anga. Katibu Mkuu wa Umoja wa Mataifa Antonio Guterres amerejelea wito wake wa kusitisha uhasama mara moja na kuokoa Maisha ya raia walio hatarini kufiuatia machafuko yanayoendelea na mashambulizi.
Wanawake wanaoishi na virusi vya ukimwi VVU kote duniani wamekuwa wakipambana kwa miongo ili kutambuliwa haki zao za afya ya uzazi ikiwemo haki ya kuanza familia na kuwa na watoto. Lakini kwa mujibu wa taarifa ya shirika la Umoja wa Mataifa linalopambana na UKIMWI, UNAIDS kumekuwa na mifano mingi ya wanawake hao kulazimishwa kutozaa na kutoa mimba.
Huko nchini Jamhuri ya Kidemokrasia ya Congo, DRC, hakuna kisa chochote cha Ebola kilichoripotiwa katika siku 7 zilizopita, na hii ni mara ya kwanza tangu mlipuko wa Ebola mwezi Agosti mwaka 2018 nchini humo.
Hii leo dunia ikiwa inaadhimisha siku ya kupambana na ubaguzi dhidi ya wanawake na wasichana, shirika la Umoja wa Mataifa linalopambana na Virusi Vya UKIMWI, VVU na UKIMWI, UNAIDS limesema mapambano dhidi ya UKIMWI hayatenganishwi na kupigania haki za wanawake na pia mapambano dhidi ya aina zote za ubaguzi.
Katibu Mkuu wa Umoja wa Mataifa Antonio Guterres amesema kutokuwepo na usawa wa kijinsia na ubaguzi dhidi ya wanawake na wasichana ni ukatili unaopaswa kushughulikiwa sasa na si wakati mwingine wowote.
Shirika la afya ulimwenguni, WHO limeorodhesha maswali ambayo kila nchi inapaswa kujiuliza ili iweze kufahamu iwapo imejiandaa vyema kukabiliana na mlipuko wa virusi vya Corona, COVID-19 ama la.
